CEBU, Philippines — Tataw nga gianam- anam na nila ni Kyline Alcantara ug Kobe Paras ang pagpaklaro sa ilang relasyon.
Gikatahong gipaila-ila na ni Kobe si Kyline ngadto sa iyang pamilya.
Kapila na ka higayon nga nasigpatan ang duha nga mag-uban nga naka-holding hands. -Sanden J. Anadia
Seoul International Drama Awards 2024: Kim napili nga Outstanding Asian Star
Ang Cebuana actress nga si Kim Chiu maoy napili nga Outstanding Asian Star sa Seoul International Drama Awards 2024 gumikan sa maayo niya nga pagdala sa iyang bida-kontrabida role isip Juliana sa seryeng "Linlang" .
"I am lost for words… beyond thankful, grateful, and extremely happy!!! I can’t believe this is happening," suma pa sa aktres
Nagpasalamat si Kim sa ABS-CBN ug Dreamscape gumikan sa maong proyekto kaniadto nga gisalig kaniya.
Yam Concepcion mabdos
Gianunsyo ni Yam Concepcion pinaagi sa iyang social media account nga mabdos siya ug mao kini ang unang anak nila sa iyang bana nga si Miguel Cuunjieng.
Nibakasyon ang magtiayon dili palang dugay didto sa Bahamas. "A very special 3rd year wedding anniversary to us, my sweetest Migaru. I am grateful for you and our ever-growing love," suma pa ni Yam.
Gi-monitor ang panglawas
Dili makalugwa ang usa sa mga miyembro sa nation's girl group nga BINI nga si Jhoanna sa KCON Los Angeles 2024. Sa gipagawas nga statement, adunay kalabotan sa istado sa iyang panglawas ang rason niini.
"Due to unanticipated health issues, Jhoanna will not be able to participate in KCON LA 2024," social media post sa maong grupo.
Panghinaot ni Rob
Nagmalaumon ang Kapuso actor nga si Rob Gomez nga magmalipayon ang iyang ex-girlfriend nga si Shaila Rebortera kinsa engaged na sa boyfriend niini nga si Luigi Agtoto.“Wala na tayong magagawa. Sana maging masaya siya,” saysay pa ni Rob sa interview niini sa PEP.
Makasulod sa final round
Ang contender nga gikan sa Cebu Normal University nga si Mary Khem Cabagte kay makapadayon sa final spot sa Tawag ng Tanghalan: The School Showdown. Nakakuha siya sa niaging adlaw og grado nga 93.4%.
Rockstar transformation gisuwayan ni Ivana
Gipasigarbo ni Ivana Alawi ang iyang latest Instagram post kun diin gipakita niya ang iyang "Rockstar" transformation.
Nahimout og maayo ang fans ni Ivana sa maong hulagway gumikan kay nisamot og kaguwapa ang ilang idolo.
"I’m a Rockstar," ni Ivana pa.
Pablo gitudlo nga coach sa "The Voice Kids PH"
Ang SB19 member ng si Pablo kay usa sa mga coach sa umaabot nga programa sa GMA-7 sa The Voice Kids Philippines.
Makauban ni Pablo sa maong show kay sila si Julie Anne San Jose, Billy Crawford ug ang laing miyembro sa SB19 nga si Stell.
"WE WANT YOU, #TVKCoachPablo! Welcoming Pablo of SB19 as the newest superstar coach on #TheVoiceKids! Get ready for an epic season filled with incredible talent and unforgettable moments for our young artists.," social media post sa maong show.