Ang gibarogan nga panaghigugmaay maoy gipaambit sa kanhi “Pinoy Big Brother Kumunity Season 10” housemate nga si Rob Blackburn alang sa bag-ong awit niya nga “Runaway.”
Si Blackburn mismo ang nagsulat sa maong romantic song nga naghisgot sa lalaking andam luwason ang gihigugma niini nga babaye nga gipugos og pagpakasal sa lain.
“This is one of my most passionate projects. You are all about to listen to what I like to call romantic emo,” social media post ni Blackburn.
Ang “Runaway” kay gi-produce ni StarPop label head Roque “Rox” Santos.
Unang nailhan si Blackburn sa dihang nisalmot kini sa “PBB” ug nalandig kini isip fourth big placer. Nahimo usab siya nga bida sa Pie Channel series nga “The Chosen One” ug “Eat Pray Love.” Niadtong Mayo, gilusad niya ang iyang debut single nga “Biyernes ng Gabi” nga ubos sa StarPop.