Bagyong Carina Gerald mi- rescue sa mga na-stranded
CEBU, Philippines — Lakip ang aktor nga si Gerald Anderson sa mga nisalmot sa rescue operations sa mga residente nga naapektohan sa Bagyong Carina.
Nasigpatan si Gerald nga nitabang og rescue sa mga tawo nga na-stranded sa dakong baha didto sa Barangay Sto. Domingo, Quezon City.
Sa nag-viral nga video, makita nga giduol ni Gerald ang mga naapektohan sa baha ug gitabangan niya kini aron ma-transport paingon sa evacuation sites.
"Okay, come here. Halika, halika, hawak ka sa akin. Okay, let's go. Ako bahala sa yo," saysay pa sa aktor ngadto sa bata nga na-stranded sa ilang panimalay tungod sa dakong level sa tubig,
Pipila ka netizens ang nipadayag nga naandan na gyud ni Gerald ang pagtabang sa mga tawo nga naapektohan sa kalamidad busa nisaludo gyud sila niini.
Regine dunay version sa "The Only Exception"
Pormal na nga ilusad karong adlawa ang version ni Regine Velasquez sa awit nga "The Only Exception" nga ubos sa Star Music.
Ang "The Only Exception" kay orihinal nga giawit sa American rock band nga Paramore.
Kahinumdoman nga giawit niya kini sa Billboard Philippines Women Music Awards niadtong Marso.
PBB house gibaha
Nakasulod ang tubig sa Pinoy Big Brother house gumikan sa nagsagunson nga pag-ulan didto sa kaulohan sa niaging adlaw tungod sa Bagyong Carina.
Naabot ang tubig sa kuwarto sa male housemates ug garden area.
Sa taho sa ABS-CBN News, gibutyag sa Business Unit Head sa maong show nga si Alex Asuncion nga gamay ra nga area sa PBB house ang naapektohan sa baha ug luwas ra ang kahimtang sa housemates ug mga staff.
“Malakas talaga si Bagyong Carina so may ilang piling areas na pinasok ng tubig nung kasagsagan ng malakas na ulan kasama na ang kwarto ng housemates.Hindi naman tumaas pa yung tubig. Managed na. Ligtas naman at malayo sa peligro ang housemates and staff na nasa Bahay ni Kuya ngayon,” matud pa ni Asunscion.
Niduyog ang PBB alang sa pag-ampo sa kaluwasan sa mga naapektohan sa kalamidad.
“Nakikiisa ang housemates at PBB staff sa pagdadasal para sa mga nasalanta at naapektuhan ng Bagyong Carina,” dugang pa ni Asuncion.
- Latest