Blackpink banhawon karong 2025

CEBU, Philippines — Makabaton og comeback project  ang K-pop girl group  nga  Blackpink   pinaagi sa ilang  world tour karong  2025.

Mao kini ang gianunsyo sa  YG Entertainment founder ug  executive producer nga si  Yang Hyun-suk sa niaging gabii.

"There will be a highly anticipated comeback from Blackpink and it will also be the year Blackpink starts their world tour," matud pa ni Hyun-suk.

Katapusang proyekto sa  Blackpink  mao ang  ikaduha  nila nga  album nga  "Born Pink niadtong 2022.

Ang maong grupo kay gilangkoban nila ni Jisoo, Jennie, Rosé, ug Lisa.

Ruru pasok sa "Green Bones” 

Malakip  ang aktor nga si Ruru Madrid sa  cast sa pelikulang "Green Bones”   nga pagabidahan nila ni Dennis Trillo ug  Sofia Pablo.

Ang maong pelikula kay  pambato sa " GMA Pictures' sa  Metro Manila Film Festival 2024.

Una na nga gianunsyo sa niaging adlaw  ang unang batch sa listahan sa entries sa MMFF 2024 ug ang uban niini kay naglangkob sa "And the Breadwinner is…,"  "Strange Frequencies: Haunted Hospital," "Himala: Isang Musikal," ug "The Kingdom."

Kris mouli karong tuiga

Human sa kapin sa  duha ka tuig  nga pag-istar sa Amerika alang sa pagpaalim sa iyang  autoimmune disease, mouli na si  Kris Aquino dinhi sa Pilipinas sulod karong tuiga.

 Ang anak ni Kris nga si  Bimby Aquino Yap maoy nipaambit sa maong taho  sa interview niini    sa The Philippine Star.

“My mom is coming home for good in September. Latest is October. I’m very happy. She misses her family the most. She misses Tita Ballsy (Cruz) and her sisters,” niya pa.