Zanjoe at Ria, lalaki ang panganay; topakk ipapasok sa MMFF
![Zanjoe at Ria, lalaki ang panganay; topakk ipapasok sa MMFF](https://media.philstar.com/photos/2024/07/22/2_2024-07-22_22-54-47.jpg)
Dumating si Sylvia Sanchez sa annoucement ng five official entries (pinili sa 39 na ipinasang script) last week.
Hindi na siya umupo sa may unahan, sa likurang bahagi na lang ng Bulwagan ng Manila City Hall siya sandaling naglagi.
Nag-submit ang Nathan Studios nila, ang Topakk.
Probably Topakk 2 ito dahil nauna nang naipalabas sa maraming international film festival ang naunang Topakk starring Arjo Atayde and Julia Montes.
Pero ‘yun nga, hindi pa ito kasali sa listahan ng naunang official entries na base sa isinumiteng script ng mga producer.
Mas malaki nga this year ang MMFF na nagkaroon ng grand launching under the theme Sine Sigla sa Singkuwenta na ginanap sa Manila City Hall.
Tulad nga noong nakaraang taon, 10 movies ang magiging official entries this year.
Noong 2023 ay nag-decide silang gawing 10 entries dahil sa overwhelming na response ng mga local producer.
At kabilang ngang maglalaban-laban sa unang limang entries sina Vic Sotto, Piolo Pascual, Vice Ganda at marami pang iba.
Makakasama kaya ang bagong Topakk sa limang natitirang official entries?
Going back to Sylvia, nagpa-baby shower na nga ang magiging lola para sa first baby nina Zanjoe Marrudo and Ria Atayde.
Invited daw sa nasabing baby shower ang buong pamilya at malalapit na kaibigan ng mag-asawa.
Baby boy ang unang apo nila ng mister na si Art Atayde.
Makikita sa mga video na may sayawan at may pa-concert si Ice Sequerra.
Sa Instagram post ni Liza Diño ay kinumpirma rin niyang lalaki ang first baby na ipinagbubuntis ni Ria.
“It’s a boy for our baby sister Sophia Atayde. Patay kabirth month ni Ice ang magiging baby mo. Good luck! Hahaha. Lab yu sis!” sabi ni Liza sa caption ng larawan nila ni Ria na kuha sa party.
Sa Instagram Story naman ni Ria ay nirepost niya ang mga post ng mga kaibigan sa party.
Recently lang inamin nina Zanjoe at Ria ang tungkol sa baby nila kahit na nga malaki na ang tiyan ng aktres.
- Latest