Liza gikagobtan sulod sa eroplano
CEBU, Philippines — Bisan pa man nga dili na kaayo aktibo si Liza Soberano sa showbiz dinhi sa nasud, padayon gihapon kini nga kagobtan sa iyang Pinoy fans .
Sa pagsakay niya og eroplano sa niaging adlaw, giabibahan siya og maayo sa iyang fans,
Pipila ka mga crew sa eroplano kay nagpapahulagway pud sa aktres.
Rhen taga showbiz ang uyab
Giangkon sa 27 anyos nga aktres nga si Rhen Escaño nga malipayon ang estado sa iyang kasingkasing karon sanglit duna siya’y boyfriend.
Matud pa nga taga showbiz ang maong lalaki nga nakabihag sa iyang kasing-kasing,
Suma pa ni Rhen nga kaya ra gyud niya nga idungan ang iyang career ug lovelife.
Gusto lang ni Rhen nga himoong pribado ang relasyon nila sa iyang uyab .
Gabaha ang viewers
Gibahaan og viewers ang teleseryeng "FPJ's Batang Quiapo" ug "Pamilya Sagrado" niadtong Martes sa gabii.Sa taho sa Dreamscape Entertainment, ang teleserye ni Coco Martin nga “Batang Quiapo" kay nakalangkat og 532,780 peak concurrent viewers niadtong gabhiona sa Kapamilya Online Live .Samtang ang "Pamilya Sagrado" ni Piolo Pascual kay nakaangkon og 505,829 peak concurrent viewers .
Haunted Hospital
Magpares sa pelikula sila si Rob Gomez ug Jane de Leon ug mao kini ang rason nga nag-uban sila didto sa Taiwan sanglit sa maong lugar gi-shoot ang pipila ka mga eksena sa maong proyekto nga dunay working title nga Haunted Hospital. Napapas na ang espekulasyon nga matud pa nagkasinabtanay na ang duha.
Suportado sa mga higala
Suportado nila ni Kongresista Richard Gomez ug Eric Quizon ang nominasyon sa Star For All Seasons nga si Vilma Santos alang sa pagka- National Artist. Makadaghan na nga higayon nga nakatrabaho nila ni Richard ug Eric ang beteranang aktres. Kahinumdoman nga ang Aktor (League of Filipino Actors) nga gipangulohan ni Dingdong Dantes maoy nagduso sa nominasyon ni Vilma.
Jessy mag-workshop og balik
Giangkon ni Jessy Mendiola nga bisan nakasuway na siya og daghang proyekto kaniadto, andam gihapon siya nga mopaubos og balik sa acting workshop .
Aminado siya nga daghan pa siya og angayan og kat-onon og balik ilabi na nga taod-taod na siya nga nakapahuway sa pag-arte. Una na nga gianunsyo sa niaging adlaw ang pagbalik niya sa showbiz pinaagi sa pagpirma og kontrata sa Star Magic sa ABS-CBN.
Suma pa ni Jessy nga naghinam-hinam na siya sa nakalinya nga mga proyekto alang kaniya.
Jikook dunay travel show
Adunay umaabot nga travel show ang BTS members nga sila si Jungkook ug Jimin nga nag-ulohan og “Are You Sure?”
Gitawag sa kadaghanan ang ilang tandem isip JiKook .
Sa report sa Soompi, adunay walo ka episodes ang nahisgotan nga travel show.
Mosikad ang maong show karong Agosto 8 sa Disney Plus.
Billy – Maria tandem sa Miss World Philippines
Ang TV host nga si Billy Crawford ug Universal Woman 2024 Maria Gigante maoy hosts sa umaabot nga coronation night sa Miss World Philippines karong Hulyo 19 sa SM MOA Arena.
“Don’t miss the magic they bring to the Miss World Philippines stage!” Instagram post sa maong prestihiyosong indigay.
Gawas sa Miss World Philippines crown, dugang duha ka mga korona ang ipabuhagay atol sa indigay, kini mao ang Reina Hispanoamericana Filipinas ug Miss Philippines Tourism.
Importansya sa kahoy gituki sa “A Thousand Forests”
Nagikan sa Cebu ang 80% sa production team nga maoy nagmugna sa environmental musical film nga “A Thousand Forests” .
Nasayran nga gipasalida na nationwide sa niaging adlaw ang maong pelikula nga gipaluyohan sa I.Syoot Multimedia Production ug inabagan sa P55 Studio.
Samtang ang musika nga gigamit sa maong proyekto kay tinagik nila ni Frenyx Tarongoy ug Yna Cajipe.
Ang award winning-director nga si Hanz Florentino maoy instrumento sa paghulma sa Cebu creative team.
“Showcasing the talent from our region is a tremendous honor,” saysay pa ni Florentino.
Ka-partner sa nagpaluyo sa pelikulang “A Thousand Forests” mao ang University of the Philippines Los Baños – College of Forestry and Natural Resources (UPLB-CFNR).
Nagtuki kini sa ka importante sa mga kahoy sa pakigkombati sa climate crisis ug magdasig kini sa katawhan sa pagpananom og mga kahoy.
“The Arbor Day Act of 2012 requires every able-bodied Filipino, aged 12 and above, to plant one tree each year. Had this been consistently followed, we would have planted 867 million trees from 2012 to 2023,” matud pa ni Jenie Chan, executive director sa I.Syoot Multimedia.
Ang maong pelikula kay gibitoonan nila ni Dennah Bautista, Santino Juan Santiago, James Mavie Estrella, Ramjean Entera, Venice Bismonte, Dominic Ochoa ug Chai Fonacier.
Gipa-eskwela ni Maymay migradwar na
Malipayon ang actress-singer nga si Maymay Entrata gumikan kay napahuman na gyud niya sa kolehiyo ang iyang ig-agaw nga si Jap.
Matud pa sa aktres nga wala gyud mausik ang pagkugi niya sa showbiz .
“9 years ago I asked my 3 cousins/anak na to help me to break the cycle na walang naka graduate ng University sa pamilya namin. Thank you bray hindi mo sinayang lahat ng pagsisikap ko sa trabaho para mapag aral ko kayo,” Instagram post ni Maymay.
Gitataw usab sa aktres nga dili siya mangayo og sukli sa iyang pagtabang,
“Lagi mo tinatanong kung ano ang gusto kong sukli sa sakripisyong pagpili kong buhayin kayo magkakapatid, ang masasabi ko lang bray ay wala kang obligasyon na suklian ang pagtulong ko sa inyo dahil mahal kita ng walang kapalit. Makita ko lang na matupad nyo ang mga pangarap nyo at kaya nyo nang tumayo sa mga sarili nyong mga paa ay sobra pa sa kayaman na meron dito sa mundo,” dugang pa niini.
Elha molugwa sa Truth
Andam na ang young diva nga si Elha Nympha alang sa gikatakda niya nga pag-perform sa Truth Festival 2024 kun diin ipakita niya ang iyang R&B/Pop transition.
Mahitabo ang maong festival karong Hulyo 28, 2024 sa Bridgetowne Destination Estate Open Grounds, Pasig City alang sa 38th Anniversary sa Philippine STAR.
Si Elha kay produkto sa The Voice Kids (2015) ug napamatud-an na sa kadaghanan ang hugyaw niya nga abilidad sa pagkanta sa nagkadaiyang programa sa ABS-CBN ug sa mga show niya sa nasud ug abroad.
- Latest