Sharon at Robin, tuloy ang reunion!
Aktor/pulitiko, nagkatubig ang tuhod
Habang sinusulat namin ito ay hindi pa sumasagot si Sharon Cuneta kay Senator Robin Padilla tungkol sa offer na maging leading leady siya sa biopic ni former senator Gringo Honasan na ipo-produce ng Borracho Films at pagbibidahan ng actor / senador.
“Na-excite ako,” pag-amin ni Sen. Robin bilang reaction sa sinabi ni Atty. Ferdie Topacio na ang tina-target niyang partner ni Robin sa pelikula ay si Megastar Sharon Cuneta.
“Sana tanggapin niya kasi... ‘pag nakausap ko si Ma’am (Sharon), sasabihin ko naman na ang pelikulang ito ay true story at may aral na matutunan ang mga manonood. Ang magiging problema lang, ‘yung schedule niya, sana hindi siya busy,” dagdag ni Sen. Robin kahapon sa aming interview.
Inaalala nga niya ay ang schedule ni Sharon na baka meron itong concert sa abroad o may ibang ginagawa.
Samantala, two weeks ago pala ay naaksidente ang senador / actor habang nagti-training para nga sa pelikulang ito.
Aniya, iba raw pala ‘pag tumatanda na.
Na-injure ang tuhod niya at nagkaroon ng tubig.
Hindi pa gaanong magaling ang tuhod niya, kailangang mag-rest ng 20 days pero nakaka-six days pa lang siya sa ngayon.
- Latest
