Sam Milby, diabetic na!

‘Di naman siguro hacked ang account niya sa Instagram nang i-post ng actor ang sugar level niya na sobrang taas sa normal level kaya pinaalalahanan niya ang lahat na magpa-check up kaagad.

Forty years old lang si Sam.

Aniya sa post : “Akala ko healthy akong tao. Di naman ako sweet tooth, bihira din mag junk food, pero last year nalaman ko na may type 2 diabetes na ako. Mga magulang, lola’t lolo ko wala. I just wish nagpa check up ako nang mas maaga nung pre diabetes pa ako kasi pwede pa ireverse. Payo ko - don’t ignore the symptoms (my main symptoms - laging nauuhaw at madalas mag pee) at magpacheck up regularly.

“#diabetes.”

Gulat nga ang kanyang followers sa ipakita niyang 525 na sugar level, critical blood sugar na raw ‘yun, kaya worried din sila.

 Pero kung nagsalita si Sam ng tungkol sa kanyang health condition, consistent naman tikom ang bibig niya sa break up nila ni Catriona Gray na bagong binyag.

Wala talaga siyang sinasabi na kahit ano.