CEBU, Philippines — Niulbo ang chika nga matud pa dunay gipanguyaban si Daniel Padilla nga taga Batangas . Giingong gikan sa adunahan nga pamilya ang maong babaye.
Nagpakahilom lang si Daniel sa maong intriga , apan kun ang iyang fans ang pasultion, wala ra'y makababag sa aktor kun mosulod kini og bag-ong relasyon sanglit taod-taod na kini nga single.
Date with ninang
Naka-bonding ni Vilma Santos sa niaging gabii ang linudhan niya sa kasal nga sila si Carlo Aquino ug Charlie Dizon ."Dinner with my inaanak, love you both! Carlo and Charlie," Instagram post ni Ate V.
LDR
Usa ka Pinay nga military officer didto sa Amerika ang girlfriend sa singer nga si Gerald Santos. Gianad na ni Gerald ang iyang kaugalingon sa usa ka long distance relationship (LDR).
Gibisita sa Songbird
Mibisita ang Asia's Songbird nga si Regine Velasquez sa rehearsal sa Nation's Girl Group nga BINI alang sa umaabot nila nga konsyerto. Nipaambit usab si Regine og tips ngadto sa mga miyembro sa BINI kalabot sa paghupot sa ilang career , vocal exercises ug mga leksyon sa kinabuhi.
Khalil nominado sa Gawad Buhay Awards
Nakakuha og nominasyon si Khalil Ramos sa 14th Gawad Buhay Awards gumikan sa maayo niya nga pagdala sa iyang karakter sa musical play nga "Tick, Tick… Boom!" .
Suma pa sa taho sa Sparkle Artist Center, nominado si Khalil alang sa kategoriyang Male Lead Performance in a Musical .
Makatigi niya sila si Myke Solomon ("The Last Five Years"), Gio Gahol ("Walang Aray"), ug Jon Abella ("Walang Aray") .
Ang kauban ni Khalil sa "Tick, Tick...Boom!" nga si Kayla Rivera kay nominado alang sa Female Featured Performance in a Musical Mahitabo ang awarding ceremony sa Gawad Buhay karong Hulyo 9 sa PETA Theater Center.