Playtime ng GMA at Viva, malalaman ang kapalaran sa takilya

Mapapanood na ang pinakaaabangang pelikula ng GMA Pictures at Viva Films na Playtime starring Sanya Lopez, Coleen Garcia, Faye Lorenzo, at Xian Lim sa ilalim ng direksyon ni Mark Reyes V.

Marami ang excited at sabik na malaman ang kuwento sa likod ng suspense thriller film na ito.

Sey nga ng marami, siguradong hindi mabibigo ang viewers sa Playtime dahil palagi namang bongga ang mga kinalalabasan ng pagsasanib-pwersa ng GMA at Viva.

S’yempre, dagdag pa rito ang magaling na cast at si Direk Mark na siya ring utak sa kuwento at konsepto ng pelikula.

Tumungo sa paborito ninyong sinehan ngayong araw (June 12) at panoorin ang Playtime.