Mag-o-oathtaking na pala si Heart Evangelista tomorrow, June 5, bilang Senate Spouses Foundation (SSF) President kasama ang bagong set of officers ng mga mahal sa buhay ng mga nakaupong senador.
Kabilang nga sa bagong opisyales ay sina : SSF Vice President - Kathryna Pimentel - wife of Senate Minority Leader Aquilino Pimentel III; Secretary - Maricel Tulfo, daughter of Sen. Raffy Tulfo; Assistant Secretary - Mr. Neil Llamanzares, husband of Senator Grace Poe; Treasurer - Rep. Lani Revilla, wife of Senator Bong Revilla; Legal Counsel - DOJ Undersecretary Em Villar, wife of Sen. Mark Villar.
Public Relations Officers sina Mariel Padilla wife ni Senator Robin Padilla at Nancy dela Rosa, misis ni Senator Ronald dela Rosa.
Maalalang nakipagkita na si Heart sa ibang misis ng mga senador last week.
At nag-post ito ng “Our very first meeting and as they say, coming together is just the beginning.♥?Excited to get down to work!Thank you for the warm welcome fellow senate spouses.♥?Ready to honor the challenge of working together and find ways to make our communities better and stronger.”
Kaya ang tagline niya ngayon, #HeartOfTheSenate.
Inamin ni Senate President Chiz Escudero na kinabahan at naluha ang misis niya sa bagong responsibilidad sa Senado.
“Hindi raw niya alam, hindi raw niya kabisado. Sabi ko, ako rin naman, hindi ko alam, hindi ko kabisado. Sabi nya, ‘E ikaw ang tagal-tagal mo na dyan, mundo mo yan.’ Sabi ko, ‘Senador, oo, pero Senate president hindi, kaya panay ang pa-briefing ko,’” naunang sinabi ni Sen Chiz sa kanyang mga lumabas na interview.
Pero paano na kaya ang mga fashion week na nirarampahan ni Heart. Iba pa rin kasi ang dating ng mga fashion week sa Europe pag andun siya.
Mas pinag-uusapan kahit dito sa bansa.