Ang bongga naman ni Rhian Ramos na rumampa sa beach.
Ibinahagi ng aktres ang mga litrato nila ng mga kaibigang sina Bianca King at Madeleine Humphries sa Boracay kung saan sila nagkaroon ng reunion.
Pinost ng karelasyon ni Sam Verzosa ang photos nito suot ang isang two-piece bikini.
Makikita rin sa litrato ang bonding nila kasama rin ang daughter ni Bianca na si Sadie at nag-enjoy ang mag-ninang sa kanilang bonding.
“Boracay... Baby
The cute one is my inaanak, little @bianca_king,” post ni Rhian kasama ang super cute na si Sadie at isa pang kaibigan niyang si Madeleine.
Komento nga ng netizens ito raw ang hottest ninang na mas nagpainit sa panahon.
Wala pa rin daw talagang kupas ang ganda ni Rhian na parang hindi tumatanda.
Alfred, parang nanalo sa lotto!
Talagang very happy si Alfred Vargas sa panalo niyang Best Actor kahit pa nga tie sila ni Piolo Pascual.
Siguro nga para kay Alfred ito na ang pinaka-ultimate na honor para sa isang actor para sa mahaba niyang panahon na nagtrabaho sa showbiz.
Kilala si Alfred sa pagiging very professional at focus sa kanyang career kaya hindi niya talaga makalimutan ang honor na dala ng panalo niya.
Masarap makita ang katuwaan ni Alfred sa pagtanggap ng award. Pure at sincere ang kanyang reaction na parang bata.
Tiyak ko na very happy at proud si Yasmine ang kanyang wife at mga anak pati na ang kapatid na si Cong. PM Vargas. Bongga.