CEBU, Philippines — Sundon ang script ug nindot nga eyeglasses alang sa in charge
Gidawat na sa pamilya sa beteranang aktres nga si Eva Darren ang pagpangayo og pasaylo sa Filipino Academy of Movie Arts and Sciences (FAMAS) human giilisan ang aktres sip presenter atol sa awards night sa rason nga matud pa wala kini makit-i sa production team.
"On behalf of my mother, Ms. Eva Darren, our family accepts the olive branch that FAMAS has extended and only hope that future events would prove to be contrasting," tipik sa Facebook post ni Fernando De La Peña ,ang anak sa beteranang aktres.
Gitambagan niya ang mga tagdumala sa maong award-giving-body nga sa sunod nga kalihokan, kinahanglan nga barogan nini ang script ug kihanglan nga dunay nindot nga eyeglasses ang in-charge sa mga presenter.
"I understand that we are but a small voice in the back row of a rowdy crowd, but if I may humbly, personally, recommend two things for the 73rd FAMAS Awards Night: Please stick to the script… and maybe a nice pair of eyeglasses for all in charge," dugang pa ni Fernando.
Kahinumdoman nga wala mahimout ang pamilya ni Eva sa FAMAS gumikan kay wala respetari niini ang ilang inahan atol sa awards night.
Gikatahong gipangandaman kini og maayo ni Eva, ug nagpalit gyud kini og bag-ong dress alang sa maong kalihokan.
Sa statement sa FAMAS, nangayo kini og pasaylo ngadto sa beteranang aktres gumikan sa kalit nga pag-usab sa presenter gumikan kay wala sila makakita sa aktres.
BINI nagsidlak-sidlak
Nalakip ang OPM girl group nga BINI sa listahan sa Teen Vogue alang sa "12 Girl Groups To Watch in 2024”.Nahisgotan sa , Teen Vogue ang pagsugod sa BINI niadtong 2021 pinaagi sa awit nga "Born To Win" ug ang ubang hit songs niini nga sama sa "Pantropiko" ug "Salamin, Salamin."
Saktong panahon
Gitataw ni Elisse Joson nga maabot ra gyud ang saktong panahon nga magpakasal sila sa iyang hinigugma nga si McCoy de Leon. Duna sila’y anak ug ang pag-atiman niini maoy gihatagan nila pagtagad karong panahona.“Tamang pagkakataon, tamang timeframe,” matud pa sa aktres.
Pagsaulog sa birthday
Espesyal ang pagsaulog ni Ricci Rivero gumikan kay nipahigayon siya og feeding program kauban ang iyang girlfriend nga si Leren Mae Bautista. Naka-focus ang duha sa paghimo og mga positibong butang ug wala gyud sila nagpadala sa mga intriga kalabot sa ilang relasyon.
Lola Amour padayon nga naglawig
Aminado ang grupo nga Lola Amour nga nakugang gyud sila sa nagsagunson nila nga mga gig karong tuiga busa ila gyud nga pahimuslan ang panahon sa pagdalit og dugag nindot nga mga kanta .
Suma pa sa maong grupo nga sa pag-umol og mga awit, gipaneguro nila nga maka-relate gyud ang kadaghanan.
Sa ilang presscon dinhi sa Sugbo, gibutyag sa main vocalist sa maong grupo nga si Pio Dumayas nga bukas gihapon sila sa bisan kinsa nga artists nga makauban nila sa umaabot nila nga mga proyekto.
Ang mainitong suporta nga ilang nadawat gikan sa mga Pinoy maoy naghatag kanila og igong kusog sa pagpadayon sa paghatag og kalingawan .
Kahinumdoman nga makapila na ka higayon nga nitikang dinhi sa Sugbo ang Lola Amour ug nakita gyud nila ang paghangop sa ilang Sugbuanon nga fans ngadto sa ilang mga awit. Kasamtangan nila nga gi-promote ang ilang self-titled album kun diin nalakip na nini ang awit nila nga "Umiinit" ug "Raining In Manila". Kahinumdoman nga ang ilang hit single nga "Raining in Manila" kay nakalangkat na og kapin sa 119 million streams ug 75 million views sa YouTube.
Gidalit usab nila ang "Saan Kakapit" nga nagsilbing tubag sa "Raining in Manila."
Pipila sa ilang mga awit nga nag-viral kaniadto mao ang “Dahan-Dahan” , “Pwede Ba” “Fallen”, Sundan Mo Ko” ug “Maybe Maybe".
Gipaluyohan sa Warner Music Philippines ang maong banda.