CEBU, Philippines — Gisaulog nila ni Barbie Forteza ug Jak Roberto dili pa lang dugay ang 7th anniversary sa ilang relasyon. Suma pa ni Barbie na-feel gyud niya ang saktong pagpangga ni Jak ngadto kaniya. "You never fail to treat me the way you promised my family you would. Lastly, you love and care for my family more than you should. You have raised the bar, my love. I’m so grateful for you,” mensahe pa ni Barbie ngadto kang Jack.
Suportado sa bana
Mapasalamaton si Lovi Poe ngadto sa iyang bana nga si Monty Blencowe gumikan kay gihatagan siya og kagawasan nga makapadayon sa iyang showbiz career. Suma pa ni Lovi nga gihigugma kaayo niya ang pag-arte busa nihatag og dakong suporta niini ang iyang bana.
Todo bakasyon gihapon
Usa sa gikabisihan karon ni Dominic Roque mao ang pagdumala sa iyang negosyo. Bisan buwag na sila ni Bea Alonzo, padayon gihapon siya sa iyang hilig nga mobakasyon sa nagkalain-laing nasud. Kahinumdoman nga sa dihang uyab pa sila si Dominic ug Bea, ubay-ubay na ka mga lugar ang ilang gilaag.
Mga Sugbuanon magbaha sa movie ni Claudine
Gipahibalo ni Claudine Barretto nga ubay-ubay ka mga Sugbuanon ang malakip sa iyang umaabot nga pelikula kun diin usa na niini mao si Mrs. Tourism Ambassador Universe 2022 Aida Patana.
Matud pa niya nga excited na kaayo siya sa maong proyekto ilabi na nga gimingaw na siya nga mahimong kabahin sa usa ka movie project.
Atol sa presscon ni Claudine dinhi sa Sugbo nga gidumala sa RapidMind PR ni Ryan Mark, gisugdan na ang pagluto sa umaabot niya nga peikula ug gikalipay niya nga makauban niya si Patana sanglit usa sa kini sa iyang mga higala dinhi sa Sugbo.
Dili pa hinoun niya masulti ang pangalan sa ubang Sugbuanon nga mga personalidad sanglit nagpadayon pa ang mga negosasyon.
Nagmalaumon si Claudine nga suportahan kini sa mga Sugbuanon sa higayon nga mahuman na ang maong proyekto.
Nasayran nga dili gyud malimtan sa aktres ang mga Sugbuanon sanglit nakita gyud niya ang pagka-maabiabihon niini sa higayon nga motikang siya dinhi sa Sugbo. Bag-ohay lang nitikang sa Sugbo ang aktres alang sa usa ka kalihokan ni Ms. Monica Sandra Ronda nga maoy tag-iya sa Shaheen Beauty .
“Sobrang mababait ang mga taga Cebu . “ suma pa ni Claudine atol sa presscon nga gipahigayon sa Iconique Mall.
Indigay sa Awit nagmalampuson
Hugyaw ug nagmalampuson ang gipahigayon nga Indigay sa Awit didto sa Barangay Kalunasan sa Dakbayan sa Sugbo sa niaging gabii.
Ang mga mananaog mao sila si Fional Llesol (champion ) Eric Surdilla (1st runner up ) ug Norelyn Gabunada (2nd runner up).
Ang kanhi Visayas Contender sa Tawag ng Tanghalan nga si Jhay Lord Cabahug maoy nangulo sa nahisgotang kompetisyon.
Ang Indigay sa Awit sa Kalunasan kay kabahin sa nakalinya nga mga programa alang sa nagsingabot nga Lunas Festival 2024 sa maong barangay nga gipangulohan ni Kapitan Carlitos “Litoy” Ceniza.
Gi-flex ang pag-akbay
Gipasigarbo ni Iris Lee ang hulagway nila sa iyang boyfriend nga si Xian Lim kun diin giakbayan siya niini.
Nitambong ang duha sa bag-ohay lang nga Cannes Film Festival 2024 didto sa France.
Simple lang ang gibutang niya nga caption ug kini mao ang heart ug film frames emojis.
MAX nahimamat sa BINI
Gipaambit sa P-pop girl group nga BINI ang ilang TikTok video kauban ang American singer nga si MAX.
Sa maong video, makita nga gisayaw nila ang hit song sa BINI nga “Salamin, Salamin.”
"Pleasure meeting you guys ," komento ni MAX sa maong video.
Nailhan si MAX sa hit songs nga “Butterflies ,“Stupid In Love” ,“Blueberry Eyes,” ug uban pa.