David nagpasalamat ngadto sa mga Sugboanon

CEBU, Philippines — Nagmalampuson ang intimate concert  dinhi sa Sugbo  sa international singer  nga si  David Pomeranz niadtong Martes. Gipahigayon ang maong konsyerto didto sa TOPS  kun diin puwerting lipaya sa nisaksi niini gumikan sa wala’y paghupas sa kanindot sa tingog sa singer.

Nahimout usab si David sa lugar kun diin gihimo ang iyang intimate concert.

"I'm thrilled. I've never been here before, up here, this height and it's beautiful. It's exciting, it's modern and the venue is great," matud pa sa singer.

Pipila sa  iyang gikanta mao  ang mga sikat nga awit nga sama sa  "Born For You," "King and Queen of Hearts," ug ang iyang  latest single nga version  niya sa  "You're The Inspiration."

Nagpasalamat si David sa mga Sugbuanon gumikan sa mainiton nga paghangop niini  ngadto kaniya sa higayon  nga motikang siya sa Sugbo.

"I'm really happy that you're still here and you're welcoming me and also I'm really inspired by meeting with these people. It's a welcoming feeling and it inspires me that this can actually happen elsewhere in the world. It's a model of goodwill and humor, people are silly here in the right way. What I have to say is thank you, thanks for being you. Thanks for being who you are,” matud pa ni sa singer.

Gihulagway  usab niya ang mga Sugbuanon  nga  sweet ug mapahiyomon.

"I find that most places I go in the Philippines but the Cebuanos are very sweet, every time I come here I feel very relaxed when I'm here. I think it has to do with the space, the sky, and it's just welcoming. I feel very much at home here,” niya pa. Dugang pa sa singer nga dili gyud niya kalimtan ang pagkaon og mangga sa higayon nga motikang siya dinhi sa Sugbo  ug gihulagway niya kini nga "the best in the world."

Duna pu’y gisulat si David  alang sa usa ka stage musical nga posibleng  ipasundayag dinhi sa Pilipinas  ug nagdumili una siya sa pagbutyag sa  ubang detalye niini.

Nasayran nga nagpabilin ang kusog nga  karisma  ni David sa music industry  hangtod karong panahona.

"I do it because I love what I do and I've always loved it. I don't think about age. I just play and have some fun and enjoy back and forth with the audience. It's kinda what I live for, I've been doing it since I was a little boy,” niya pa.

Kim Chiu , special guest  sa  “Huni kang  Santo Padre Pio alang sa Santuario”

Mapasigarbohong gipahibalo kagahapon sa mga kadagkoan sa Saint Padre Pio Home for the Relief of Suffering-Philippines Foundation Inc.   nga ang Kapamilya actress nga si Kim Chiu maoy special guest sa “Huni kang  Santo Padre Pio alang sa Santuario” nga mahitabo karong Mayo 25, 2024 sa  IC3 Convention Center sa Dakbayan sa Sugbo.

Atol sa press conference kagahapon, gibutyag sa  presidente sa maong  foundation nga si Maximiano Fulache  nga   wala gyud nagduha-duha  si Kim sa pagdawat sa ilang imbitasyon  sanglit deboto usab kini kang Padre Pio .Samtang ang   group leader sa maong international organization nga si Dr. Richard T. Saing kay nipadayag nga espesyal kaayo sa kinabuhi sa katawhan ang mga maayong binuhatan sa St. Padre Pio nga nitabang gyud sa mga nanginahanglan  ug usa kini sa mga nag-unang rason kun nganong naumol ang maong songwriting competition.

Una na nga gibutyag ni Msgr .Roger Fuentes ,ang Spiritual leader sa Padre Pio Contemplative Community of Cebu, nga ang  laing   katuyoan sa maong kalihokan sa musika mao ang pagtimbaya sa adlaw nga natawhan sa maong santos.

Tumong usab  niini ang pagpahibaw sa kadaghanan alang sa mga maayong nahimo ni Santo Padre Pio. Gisaysay sa event director nga si Aljin Abaquita nga ubay-ubay gyud ka entries ang ilang nadawat  ug gihashasan ngadto sa Top 12 finalists atol sa gihimo nga lapad nga screening sa niaging buwan.

Tipik sa mahipos gikan sa maong kalihokan kay gamiton sa  nagpadayon nga konstruksyon sa Santuario ni Padre Pio nga nahimutang sa Barangay Pulangbato, bukirang bahin sa Dakbayan sa Sugbo. 

Deretso sa shooting

Lakip si  Lovi Poe sa mga nitambong sa event sa usa ka brand sa relo  didto sa Milan, Italy sa niaging adlaw.  Nakauban niya ang mga ilado nga  personalidad nga sama sa  Irish actor nga si Barry Keoghan (Saltburn),  Brazilian model nga si Alessandra Ambrosio, ug ang  aktres nga si  Nadine Lustre. Pag-uli niya sa Pilipinas , nideretso dayon siya sa shooting sa  pelikula niya nga Guilty Pleasure.

Hugyaw nga regalo

Nilarga si Willie Revillame sa Macau  ug Hong Kong sa niaging adlaw ug gipauban niya ang  iyang mga staff . Ang  aktor mismo ang nigasto sa maong biyahe isip regalo  ngadto  sa iyang mga staff  nga matinud-anon gyud nga nangalagad kaniya.

“To All The Boys” 

Gipahinungod ni  Rita Daniela ang iyang bag-ong album ngadto sa mga lalaki nga iyang gihigugma. Ang maong album kay nag-ulohan og  To All The Boys,  ug siya mismo ang nagsulat sa pipila ka mga unod niini.

JoshLia suportado ni Gerald

Gibutyag ni  Gerald Anderson nga suportahan  niya ang comeback movie project sa kanhi mag-uyab nga sila si Julia Barretto ug  Joshua Garcia nga nailhan usab isip JoshLia.

Matud pa sa aktor nga  namapatud-an na ang ka maayo sa JoshLia  . Una na nga gibutyag ni Gerald nga kanunay gyud niya nga suportahan ang mga proyekto sa iyang uyab nga si Julia.

Kahinumdoman nga  gianunsyo sa niaging semana nga mag-uban sila si Julia ug Joshua sa pelikulang  "Un/happy For You" ubos sa  Star Cinema ug  VIVA Films.