Kim Hewitt nakadaog isip champion sa  "TnT Kids Season 2"

CEBU, Philippines —Nalangkat  ni Kim Hewitt ang  titulo isip  grand champion  sa  ikaduhang season sa Tawag ng Tanghalan Kids human naangkon niini ang labing taas  nga combined total scores gikan sa mga hurado sa trending nga 'Huling Tapatan' sa niaging adlaw.

"I feel happy and thankful to God and my coach. I also dedicate my win to my mom, who helped me a lot throughout my journey," matud pa ni Kim nga taga Dumaguete City .

Nakuha ni Kim ang  total combined score nga  96.7%,  samtang   si  Dylan  Genicera kay  nakaangkon og 96.6% ug gisundan  ni Aliyah Quijoy nga nitala og 96.5%.

Gikanta ni Kim ang  "I Don't Wanna Miss A Thing" ug nahimoot og maayo sa iyang performance ang mga hurado nga sila si Jason Dy, Frenchie Dy, John Rex Baculfo, Roselle Nava, Christian Bautista, Jamie Rivera, Tutti Caringal, Katrina Velarde, Elha Nympha, ug  Gary Valenciano.

Megan mihimakak sa "buntis issue"

Gihimakak ni Megan Young ang taho nga matud pa nagsabak siya.

Nag-ugat ang maong isyu human nabatyagan sa pipila ka netizens ang usa sa mga hulagway niya  social media kun diin matud pa nidako ang tiyan sa beauty queen.

Gikataw-an lang kini ni Megan  ug gitataw niya nga busog lang gyud siya.

Ikaduhang kasal

Nagpakasal sa ikaduhang higayon  ang magtiayong  Angelica Panganiban ug Gregg Homan  niadtong Sabado, Abril 20, 2024 didto sa Siargao. Pipila sa nitambong sa maong okasyon sila si Anne Curtis, Bela Padilla,  Maxene Magalona, Glaiza de Castro, Kim Chiu, ug uban pa.  Kahinumdoman nga ang una nila nga kasal  kay nahitabo didto sa  Los Angeles, California niadtong  Disyembre 31, 2023.

Nanawagan og privacy

Nanawagan ang talent agency sa SB19 nga 1Z Entertainment nga hatagan pud og privacy ang nahisgotang P-Pop boy group. Gikatahong dunay stalkers nga  nag-atang  sa gawas sa ilang opisina.

“We deeply value the connection between our artists and their fans. We appreciate the love and support you show towards their work, performances, and personal lives. However, we kindly ask for your understanding and respect when it comes to our artists’ privacy,” statement sa maong talent agency.

Nataptan sa COVID pag-birthday

Gisaulog ni Gretchen Ho ang iyang birthday niadtong   Abril 19 ug naatol gyud nga nataptan siya og COVID-19.“Didn’t expect it would be a COVID birthday, but maybe it was rest that I really needed. It was a welcome gift just staying at home for the whole week,” Instagram post ni Gretchen.

Kasal ang padulngan

Giangkon ni  Derrick Monasterio nga gihisgotan na nila ni  Elle Villanueva ang pagpakasal  ug aminado siya nga ang aktres na gyud ang babaye nga makauban niya sa iyang tibouk kinabuhi.

Hinuon dili pa matino sa aktor kun kanus-a siya mo-propose sanglit gipaneguro niya nga duna na sila'y kaugalingong balay  kung magpakasal na sila ni Elle.

Kasamtangang nag-uban ang duha sa trabaho pinaagi sa Kapuso afternoon series nga Makiling.

Perpektong proyekto  alang kang Echo

Gihulagway ni  Jericho Rosales nga perpektong proyekto ang umaabot niya nga teleserye sa ABS-CBN nga moduyog sa gusto niya nga mahitabo sa iyang career karong panahona.

“It’s a really good project. For me timing is everything. It’s the perfect project, something that is aligned sa goals ko for my career now in film, TV, and streaming. The story is good,” saysay pa ni Jericho ngadto sa ABS-CBN News.

Gawas sa teleserye , duna pu'y movie project  nga giluto ang Star Cinema alang kaniya.

“I’m really happy with this energy now that I am back in front of the camera, announcing stuff that I’ve been working on,” dugang pa sa aktor. Pipila sa mga sikat nga teleserye ni Echo kaniadto  kay  “Pangako Sa’Yo,” “Sana’y Wala Nang Wakas,” “The Legal Wife,” ug.

Ang katapusan nga  teleserye nga nabuhat sa aktor kay ang hit romantic drama nga “Halik” niadtong 2018.