Carmina ug Cassy nahiubos sa gisulti ni Darren?

CEBU, Philippines — Nipaambit og  cryptic posts si Carmina Villaruel  ug anak niini nga si Cassy Legaspi butang nga gikahibulong og maayo sa ilang fans.

Dunay mga  pagduda nga posibleng wala mahimout si Carmina sa gipadayag  sa singer nga si Darren  nga best friend lang sila ni  Cassy.

Sa iyang  Instagram story,nag-share si Cassy sa  awit  ni Olivia Rodrigo nga  “Favorite Crime”  nga naghisgot sa tawong nahigugma apan nakaangkon ra kini og dili maayong pagtratar.

Samtang si Carmina, kay nipaambit sa  quote nga : “Don’t expect the same in return."   

Self-titled album

Pormal na nga gi-release kagahapon ang self-titled album sa banda nga  Lola Amour . Gilangkoban kini og siyam ka mga awit .  Ang mga unod niini kay naglangkob sa  "Raining in Manila" , "Namimiss Ko Na" , "Umiinit," "Saan Kakapit," "This Ain't Love," "If I Ever Come Back," "I'll Give My Heart," "Lost for Words" ug "Part II: Bliss.

Todo hubo

Walay daghang arte si Jhon Mark Marcia sa  init niya nga mga eksena  sa pelikulang Sisid Marino nga ubos sa direksyon ni Joel Lamangan. Giingong dunay frontal nudity si John sa maong pelikula.

Malipayon sa  iyang pagka-single

Gitataw ni Vina Morales  nga wala siya'y uyab ug malipayon ra siya sa iyang pagka-single. Nakaponting ra ang iyang atensyon sa pag-atiman  sa iyang anak nga si Ceana.  

Herlene nakugang sa isyu sa underwear

Nakugang si  Herlene Budol  sa grabeng reaksyon sa ubang tawo kalabot sa nag-viral niya nga video kun diin matud pa nakita ang iyang panty. Suma pa sa beauty queen nga dili kini angayan himoong isyu .

"Big issue agad sa panty? Personally, I dont see anything wrong for the  panty issue. Nag rarampa nga ako sa entablado wearing swimsuit," suma pa ni Herlene. Suma pa niya nga duna gyu'y panahon nga masipyat siya sa iyang gibuhat .

"Halos abot hanggang langit nga hugis ng swimsuit ko, tapos ito panty lang. Well, its part of human error & always remember mistake is part of human being," niya pa .

Kahinumdomam nga nag-live si Herlene sa usa niya ka social media account  sa niaging semana. Sa katapusang bahin sa video , nibarog si Herlene ug dinhi nakita ang iyang underwear. Nakadawat kini og nagkalain-laing reaksyon  ug duna siya'y bashers  nga nileggua nga matud pa  klaro kaayo nga gituyo ni Herlene ang maong panghitabo.  

Jillian ug Jeff n asaypan nga mag-uyab

Dili malilong ang pagka-sweet ni Jeff Moses ngadto sa co-star niya sa “Abot-Kamay na Pangarap" nga si Jillian Ward apan gitataw sa aktor nga maghigala ra gyud silang duha.

Kahinumdoman nga daghan ang naintriga sa ilang kasoud busa dunay mga pagduda nga matud pa duna sila'y  relasyon.

“Sobrang close po kami.Wala pa po ako sa ganu’ng mindset. And I know, same with Jill. Pero hinahayaan ko lang. Hindi naman natin alam kung anong mangyayari bukas. So kumbaga, chill lang,” saysay pa ni Jeff sa interview niini sa  “Fast Talk with Boy Abunda” .

Matud pa ni Jeff nga naka-focus siya sa iyang career apan bukas gihapon  siya sa posibilidad nga ma-develop siya ka Jillian .

Positibong resulta sa nagkahiusang puwersa

Ang pagbaton og daghang higala ug pagsuta og dugang ideya o pamaagi sa pag-atubang og daghang mga tawo maoy pipila sa mga nakat-onan sa mga pambato sa Sugbo nga nagmadaogon  sa   Junior Idol World Philippines 2024  nga gipahigayon didto sa kaulohan.

Sama nalang   ni  Miss Teen Junior Idol World Philippines nga si Ma. Shaiya Oisha Diwa kinsa nipadayag nga dili gyud masukod ang gibati niya nga kalipay sa naangkon niya nga kadaogan ug ang iyang kinatibuk-ang kasinatian sa maong indigay maoy dili gyud niya malimtan ilabi na nga nanaghan na ang iyang mga higala.

Nahatagan usab siya og tsansa nga  mahimo niya nga higala  ang mga  taga laing lugar.

Ang  grand winner sa Little Miss category sa  Junior Idol World Philippines 2024 nga si Nikolah Jayne Lavadia nitataw usab nga  dakong garbo alang kaniya nga makaangkon sa maong titulo gumikan kay namintinar niini ang imahe sa mga Sugboanon nga bangiitan sa natad sa indigay.

Sa matag kompetisyon sa iyang nasalmotan , nakat-onan pud niya ang dugang estilo sa parampa sa entablado.

Ang Team Cebu sa maong indigay kay nag-agi gyud og lapad nga mga training ug nagpostibo ang resulta niini sa pag-abot sa national pageant stage.

Suma pa ni Prince Jehosaphat Amit,  ang Cebu Regional Director sa  Junior Idol World Philippines, nakita gyud niya ang nagkalig-on nga panaghigalaay sa Team Cebu ug usa kini sa mga hiyas nga dili gyud mabakwi.

Ang ilang puwersa maoy usa sa mga  pamaagi alang sa tulin nga pagsabwag sa ilang tagsa-tagsa ka mga adbokasiya.

“Base sa akong  observations as a mentor, nakita gyud nako  ang ilang abilities. Nagtinabangay gyud sila  paingon sa ilang kadaogan. Ang nakanindot sad ani nila ,kay maminaw gyud sa among mga tambag ," matud pa ni Amit atol sa presscon nga gidumala sa #RapidMind by Ryan Mark.

Ang  uban nga mga Sugbuanon nga nakadaog sa   Junior Idol World Philippines 2024  kay sila si  Nickoea Marie Whittaker ( Miss Preteen Junior Idol World Philippines 2024 ), Jairus Fred Balucas (  Mister Teen Junior Idol World Philippines 2024) Zharren Late Colina ( Little Miss Universe 2024),  ug Kelsey Niña Lopez  ( Little Miss Junior Idol World Philippines 2024 1st Runner Up).

Pasok pud sa listahan sa manaog sila si Samantha Nicole Camero ( Miss Teen Universe 2024), Abba Nicole Comboy (Miss Teen Heritage Gem 2024),  Aranah Camiso Tuco (Miss Preteen Gorgeous Universe 2024) ,ug Jahmeica Athena Canonigo  (Little Miss Gorgeous Universe 2024).