CEBU, Philippines — Wala kaagwanta ang usa sa mga host sa “It’s Showtime” nga si Teddy Corpuz ug gitubag gyud niya ang basher sa nahisgotan nga noontime show.
‘Yung pinag-aaway niyo kami, pero bakit ‘di nalang tangkilikin parehas? Yes may competition… minsan talo, minsan panalo. Parehong gumagawa at nagnanais mapasaya kayo,” social media post sa TV host.
Gitambangan niya kini nga dili na lang unta manaot kun wala kini kauyon sa ilang show.
"Kung ‘di ka masaya sa isa, eh ‘di dun ka sa kabila at ‘wag ka na lang manira,” ni Teddy pa.
Lovi nagbangotan sa pagpanaw ni Chance Perdomo
Nihatag og tribute ang aktres nga si Lovi Poe ngadto sa nipanaw niya nga higala nga Hollywood star nga si Chance Perdomo ug nagbangotan gyud siya og maayo.
Gikatahong namatay ang 27 anyos nga aktor gumikan sa "motorcycle accident ".
Sa iyang Instagram account, nag-post si Lovi og compilation video sa mga malipayong memories nila ni Chance. “If there’s one person who truly knew how to seize the day, it’s Chance,” caption ni Lovi sa maong video.
Gani nitambong pa ang maong aktor sa kasal nila ni Lovi ug Monty Blencowe didto sa England sa niaging tuig.
Daghan matud pa siya og mga nakat-onan sa ilang panaghigalaay.
“We humans understand that life is fleeting and we often remind ourselves to be present, but it’s easier said than done. However, Chance had mastered the art of living for today, living for the moment and consistently radiating boundless energy and devoting his full attention to making others feel cherished," ni Lovi pa.
Paulo-Kylie movie gi-shoot sa Singapore
Nagpanikad na sila si Paulo Avelino ug Kylie Verzosa sa mahimong resulta sa ilang romantic-comedy film nga “Elevator.”
Moabot sa 90% sa mga eksena niini kay didto gi-shoot sa Singapore.
Si Philip King ang writer ug direktor sa maong movie project nga gipaluyohan sa Viva Films, Studio Viva, Rein Entertainment, ug Cineko Productions.
Makita na ang “Elevator" sa mga sinehan karong Abril 24.
Kauban nila ni Kylie ug Paulo sa maong pelikula sila si Chai Fonacier, Shrey Bhargava, Shahid Nasheer, Shaun Lim, Rishi Vadrevu, ug Amy Cheng.