Patrick gibasted ni Anne

CEBU, Philippines — Nagkatawang giangkon sa kanhi  matinee idol nga si Patrick Garcia nga ang aktres nga si Anne Curtis maoy labing una nga babaye nga nangbasted kaniya kaniadto. Gibutyag kini ni Patrick atol sa guesting niya sa  programang  Fast Talk With Boy Abunda  niadtong Miyerkules."Matagal na ito, mga 1999 pa ito.Ngayon ko lang sinabi ito, sorry guys,' matud pa ni Patrick.

Pagklaro sa MUO 

Gihimakak sa Miss Universe Organization (MUO) ang nitumaw nga taho nga matud pa dunay  kandidata ang  Saudi Arabia sa Miss Universe 2024. Matud pa sa maong organisasyon nga walay "selection process" nga giumol sa maong nasud busa tataw nga dili tinuod ang nigawas nga taho.

"Namimiss Ko Na"

Gi-release na sa  Lola Amour ang music video sa ilang awit nga  "Namimiss Ko Na". Si  Erika Yuseco ang direktor niini , ug naka-upload na kini sa ilang  official YouTube page.  Ang "Namimiss Ko Na" kay gi-compose nila ni  Raymond King ug David Yuhico.

Claudine giregalohan ni Yasser og sapatos

Nakadawat og regalo si Claudine Barretto gikan sa aktor nga si Yasser Marta ug usa kini ka mahalon nga rubber shoes . Sa pag-post ni Claudine sa Instagram , nikomento si Yasser og, “Bagay sayo.” Nagkauban si Claudine ug Yasser kaniadto  sa  TV series nga “Lovers & Liars”  ug wala gihapon mahupas ang ilang kasoud.

Sarah pasok sa international project

Gawas sa mga nagbaha niya nga TV projects , duna pu'y umaabot  nga international project si Sarah Lahbati.

Malipayon ang aktres sa maayo nga dagan sa iyang showbiz career. Mas pilion pa niya nga atimanon ang iyang karera kaysa manumbaling sa mga intriga nga gibato  kaniya.

Janella nag-inarte  sa “It’s  Showtime"?

Gihulagway sa nga himantayon nga bastos ang gibuhat ni Janella Salvador sa dihang ni-guest kini sa “It’s Showtime”.

 Kauban ni Janella sa pagtikang sa maong programa mao ang Thai actor ng si Win Metawin aron  mag-promote sa pelikula nila nga “Under Parallel Skies

Nahisgotan   ni Janella ang iyang concert ug bag-ong  single nga “Headtone” busa nga gipangayoan siya ni Kim Chiu  og sampol.

“Sample naman Janella sa bago mong…” request ni Kim.

Wala pa gani nahuman og istorya si Kim , nidumili na si Janella.

“Medyo paos ako today, kayo na lang. Next time, promise,” ni Janella pa.

Samtang sa segment nga “EXpecially For You” , dunay mga nagduda nga gipadungog -dungog ni Vice Ganda si Janella  human dunay searchee ang wala pud mohatag og sampol .

“Medyo paos siya ngayon, kayo na lang," ni Vice pa.

Summit International Pageant pagahimoon sa Sugbo

Pagahimoon dinhi sa Sugbo ang prestohiyoso nga    Summit International Pageant  nga mahitabo sa umaabot nga mga buwan . Gipaabot nga magbaha ang mga banggiitan nga kandidata gikan sa nagkalain-laing dapit sa kalibotan .

Suma pa  ni Mr. Alex Bui , President ug  Founder sa  Summit International Pageants, nga napili niya ang Pilipinas partikular na  ang Sugbo sa pagpahigayon sa maong indigay sanglit  ang mga lumolupyo niini kay nailhan  nga mahiligon kaayo  maong klase nga butang.

Nagbaha usab  dinhi ang nindot nga mga  lugar  nga ikapasigarbo gyud sa tibouk kalibotan. Matud pa ni Alex nga usa  sa mga kalidad nga mahimong kandidata sa maong  indigay kay kinahanglan duna kini kasingkasing ngadto sa isigkatawo niini pinaagi sa paghupot og nagkalain -laing adbokasiya.

Naumol ni Mr. Bui ang maong indigay  isip pagsuporta sa iyang asawa nga usa  ka kanhi beauty queen. Duna sila'y mga tinugyanan sa nagkalain-laing nasud  aron maoy mopili o motudlo alang sa mahimo nila nga representante.

 Ang koronasyon sa Miss/ Mrs/ MS/ Summit International 2024 kay mahitabo sa Tambuli Resort and Spa diha sa Lapu Lapu City karong Hulyo 20, 2024.

Dinhi gihapon sa Sugbo pagahimoon ang pre-pageant activities. Moabot ngadto sa  35  ka mga kandidata gikan sa nagkalain-laing nasud  ang gikatakdang mosalmot   sa maong indigay.