Ashley kontento sa iyang pagka-single
CEBU, Philippines — Gitataw sa Kapuso actress nga si Ashley Ortega nga malipayon ra gyud ang iyang kinabuhi bisan kapin usa ka tuig na siya nga single . Katapusang nauyab sa aktres mao si Lucena City Mayor Mark Alcala .
“My heart is so full, and I’m happy. But, I’m still single. I’m still single. But, I’m enjoying my single era,” saysay pa aktres sa interview niini sa “Update with Nelson Canlas”. Gawas sa iyang pagka-busy sa showbiz , ang pagbakasyon sa nindot nga mga lugar maoy gikalingawan ni Ashley.
Echo dunay upcoming project sa Dreamscape
Adunay umaabot nga proyekto si Jericho Rosales sa Dreamscape Entertainment ug naghinam-hinam na ang aktor niini.
"Asia's award-winning actor returns!" ,Facebook post sa Dreamscape. Nakigtigom na ngadto kang Echo ang pipila ka executives sa ABS-CBN niadtong Lunes . Pipila sa mga sikat nga teleserye ni Jericho kaniadto kay "Halik," "Pangako sa 'Yo," "The Legal Wife" ug uban pa .
Suma pa sa aktor nga gimingaw na siya og arte atubangan sa kamera.
Special trailer sa Batang Quiapo mikulit og 4 million views
CEBU, Philippines — Miarangkada na ang mga makapakugang nga rebelasyon sa “FPJ’s Batang Quiapo” human nipagawas ang ABS-CBN og usa ka special trailer nga nakalangkat og kapin sa 4 million views.
Makita sa trailer ang laing hugna sa kinabuhi ni Tanggol (Coco Martin) human nakagawas sa prisohan.
Makugang sa pag-abot ni Tanggol mao sila si David ug Rigor (Mccoy De Leon ug John Estrada) nga mopalayas kaniya .
Lakip sa motabang sa pagbag-o sa kinabuhi ni Tanggol mao si Bubbles (Ivana Alawi) .
Nasakpan napud ni Marites (Cherry Pie Picache) ang paghinanggaw sa bana niya nga si Rigor kauban ang kabit niini nga mabdos nga si Lena (Mercedes Cabral).
Ang “FPJ’s Batang Quiapo” kay makita sa Kapamilya Channel, A2Z, TV5, iWantTFC, ug Kapamilya Online Live sa YouTube channel ug Facebook page sa ABS-CBN Entertainment.
- Latest
