Inamin ng aktor na si Tom Rodriguez na naging suicidal siya noong nakalipas na dalawang taon na kinonsider niyang darkest phase ng buhay niya.
Maaalalang naghiwalay sila ng ex-wife na si Carla Abellana noong taong 2022.
Tinanong siya ng TV host na si Boy Abunda sa programa nitong Fast Talk with Boy Abunda kung gaano katindi ang iyak niya noong last two years sa pinagdaanan nito at inamin niyang sobra ang iyak niya noon at mas nahirapan siyang makita ang ina na nahihirapan dahil sa kanyang kondisyon. Pakiramdam daw niya ay malaki ang mga nawalang importanteng bagay sa kanya.
Isa sa inamin niya ay muntik na raw niyang saktan ang sarili na bagay na hindi niya na maibabalik kung sakali dahil sa bigat ng kanyang pinagdaraanan.
Pero naisip daw niya ang kanyang pamilya na sumagip sa kanya sa balak na tapusin ang sariling buhay.
Sa kabila raw ng mga pagsubok na naranasan, patuloy pa rin siyang nagpapasalamat dahil marami pa rin siyang dapat ipagpasalamat.
Pero hindi naman inasahan ng ex ni Carla na ang kanyang healing journey ang magdadala sa kanya sa kanyang bagong pag-ibig ngayon. Inakala niyang isasara niya na ang pinto habambuhay.