Laban lang Anji!

CEBU, Philippines — Gitataw sa Kapamilya singer nga si  Anji Salvacion nga bukas gihapon siya  sa pagdawat og dugang acting project bisan pa man nga naputos og mga pagsaway ang iyang acting performance sa seryeng Linlang. Suma pa ni Anji nga wala siya nagpaapekto  og maayo ug mao kini ang maghatag og kusog kaniya aron mas tarungon pa niya og maayo ang iyang trabaho.

Nag-reunion

Gikalipay ni  Cristine Reyes ang subli nila nga panag-uban ni Baron Geisler sa usa ka proyekto. Magkauban ang duha sa pelikulang Dearly Beloved .Unang nakatrabaho ni Cristine  si Baron sa television remake sa Eva Fonda niadtong 2008.

Sulbaron dayon

Gipaneguro nila ni Jerald Napoles ug   Kim Molina nga mahusay dayon sila kun duna  silay lalisan. Matud pa ni Jerald nga kinahanglan nga istoryahan dayon kun dunay problema aron dili mosangpot sa panagbuwag ang ilang relasyon.

Star Magic Gen Z stars  nagtapok

Nagmalampuson ang  fairytale celebration sa Star Magic Gen Z stars lakip na ang uban nga mga bitoon sa bag-ohay lang nga  "Star Magical 2024".

Pipila sa nag-trending nga nirampa sa  Ivory carpet mao sila si KD Estrada ug Alexa Ilacad ( Prince Eric ug Ariel),  Donny Pangilinan ug Belle Mariano ( Beauty and the Beast) ug Seth Fedelun ug Francine Diaz ( Cinderella ug Prince Charming) .

Gilusad usab ang  Star Magical Prom 2024 OST nga gilangkoban sa  "Walang Hanggan" nila ni KD ug Alexa, "Tunay" nila ni Francine ug Seth, ug "Believing in Magic" nila ni Alexa, Belle, ug Francine.

Gipaila sa  Star Magic ang mga bag-ong nisulod sa ilang pamilya nga sila si Victoria Vega, Nicole San Juan, Bryce Andres,  Eliza Borromeo, Yce Navarro, Emilio Daez, ug Miggy Jimenez.

Nakuha nila ni  Francine ug  Seth ang Most Viewed Promposal award, samtang sila si KD ug Alexa ang nakakuha sa  Best Promposal award.

Sila si  Raiko Mateo ug Tricia Gomez ang nakadaog isip Charming Prince ug Princess, ug nakuha nila ni  Harvey Bautista ug Dalia ang award nga  Noble Prince ug Princess. Nakuha nila ni Matthew Cruz ug Anji Salvacion ang titulo nga Royal Prince ug Princess.

Napili pud nga King and  Queen, ug Close-Up Amazing Couple of the Night sila si KD ug Alexa.

Ang sunod nga dakong kalihokan sa  Star Magic mao ang  "Star Magic's Hot Summer 2024" kun diin pagahimoon kini sa lugar nga doul og dagat.

Ang  highlights sa Star Magical Prom 2024 kay makita sa  YouTube channel sa  Star Magic.

Han So ug Ryu Joon uyab gyud

Hingpit na nga giangkon sa  Korean stars nga sila si Han So Hee ug Ryu Joon Yeol nga duna sila'y relasyon.

"First of all, we are in a relationship with good feelings but please take the word 'transit' out. It's true that we met at his photo exhibition, but it was through my friend who is a photographer, and I stopped by to say hello as I heard that we might be working together on the same project," suma pa ni Han So Hee.

Nihangyo ang ilang talent agency nga unta likayan ang pagsaway ug pagpanginsulto ngadto sa mag-uyab.

Bea ug Julia nag-abot

Nagkaabot sila si Julia Barretto ug Bea Alonzo   sa  surprise tribute party alang  kang Johnny Manahan o Mr. M sa niaging gabii.

Gikatahong nagtagad  ug nagbeso-beso ang duha sa dihang nagkasugat sila atol sa maong okasyon .

Una na nga giintriga kaniadto ang ilang mga post sa Instagram nga giingong nagpadungog-dungog kini sa usag-usa.

Si Julia maoy gipasanginlan kaniadto nga rason sa breakup nila ni Bea ug Gerald Anderson. 

Sa kasamtangang panahon, nagkalig-on ang relasyon nila ni Julia ug Gerald, samtang gidungog usab karon nga nagbalik sila si Bea ug Dominic Roque.