Ama, hindi nakarating... wedding gown ni Heart, pinasadya sa sikat na designer sa Europe!

Stunning si Heart Evangelista sa kanilang renewal of vows ni Senator Chiz Escudero.

Custom made ang gown ni Heart ng Lebanese fashion designer na sikat sa Europe – Milan and Paris – Elie Saab.

Kulay beige ang nasabing gown kung saan may kasama na itong veil.

Sa Balesin Island din naganap ang nasabing renewal of vows kung saan din sila unang ikinasal ng senador.

Ayon sa naunang interview ni Heart : “Elie Saab has a special place in my heart—it was actually one of the first shows I ever attended in fashion week. I’ve always loved their dreamy and romantic creations, and when I saw the custom couture dress, I knew that was it,” ayon sa interview ni Heart na lumabas bilang sagot kung paano niya napili ang nasabing designer.

Suot niya rin ang kuwentas na tadtad ng diamonds.

Kumakanta si Mark Bautista ng I Will Be Here nang lumakad si Heart papunta sa altar na sinalubong ng senador at anak niyang kambal.

Hindi naman nakadalo ang tatay ni Heart na si Mr. Rey Ongpauco na nasa Amerika at nagpapa-check up kaya’t ang mommy lang niya na si Cecilia Ongpauco ang andun na emosyonal nang maglalakad si Heart patungong altar.

Pawang malalapit na family members and friends ang present sa nasabing renewal of vows ng mag-asawa na nagmuntik-muntikang maghiwalay noong nakalipas na taon.

Nine years ago na nang ikasal ang mag-asawa sa nasabing lugar din at kaparehong petsa, Feb. 15.

Magkakaroon ng reception ang bagong kasal sa Manila sa Feb. 17 pero mga close friends pa rin daw ang invited. Pero kasama na raw ang mga kapwa senador ni Sen. Chiz at ilang kaibigang kongresista.

Kasama rin daw ang ilang barkada ni Sen. Chiz mula high school.