Junior Idol World Philippines 2024 Pambato sa Sugbo todo pangandam na
CEBU, Philippines — Nangandam na og maayo ang mga representante sa Sugbo alang sa sa Junior Idol World Philippines 2024 nga ipahigayon didto sa kaulohan karong Pebrero 23 25, 2024.
Pormal nga gipaila dili pa lang dugay ang mga sakop sa Team Cebu atol sa send-off press conference nga gidumala sa "Rapid Mind Public Relations by Ryan Mark" diha sa City Mall sa Dakbayan sa Sugbo .
Ang mga pambato sa Sugbo alang sa Junior Idol World Philippines 2024 mao sila si
Jairus Fred Diaz Balucas, Kelsey Ni a Lopez, Aranah Tuco sa Cebu City, Zharren Kate Colina, Abba Nicole Comboy sa Mandaue City, Samantha Nicole Camero, Jahmeica Athena Canonigo sa Lapu-Lapu City, Ma. Shaiya Oisha Diwa sa Talisay City, Nikolah Jayne Lavadia ug Nickoea Marie Whittaker sa Cebu Province.
Gipaniguro nila nga makatabang sa promosyon sa turismo sa Sugbo ang pagsalmot nila sa maong kompetisyon.
Ilang gipasigarbo ang mga maayong kalidad sa mga Sugbuanon ilabi na sa mga pagkamaabi-abihon niini ngadto sa mga bisita.
Suma pa sa Cebu Regional Director sa Junior Idol World Philippines - Cebu nga si Prince Jehosaphat Amit nga dako pud og papel ang mga ginikanan sa finalists sanglit mao kini ang naghatag og igong kusog alang sa pagtungtong niini sa national level nga entablado.
Dugang pa niya nga nag-agi og lapad nga mga workshop o training ang mga pambato sa Sugbo kinsa nailhan nga mga banggiitan sa maong klase nga kompetisyon.
- Latest
