CEBU, Philippines — Gikasal na ang aktor nga si Benjamin Alves ug ang content creator nga si Chelsea Robato niadtong Domingo didto sa Sanctuario de San Antonio Parish sa Makati City. Kahinumdoman nga na-engaged ang duha niadtong Disyembre 2022.
Lami og love life
Tulin ra ang dagan sa love life sa Kapamilya star nga si Xyriel Manabat. Gisurpresa ang aktres sa iyang non-showbiz boyfriend nga si Nathaniel Toledo atol sa pagsugat niya sa iyang 20th birthday. “Thanks for always saving me and showing me what the world has to offer ," mensahe pa ni Xyriel ngadto sa iyang uyab .
Gasa kang Francine
Namugna og special song si Seth Fedelin alang sa iyang on-screen partner nga si Francine Diaz . Mao kini ang iyang gasa alang sa 20th birthday ni Francine. Himoan usab kini og studio version puhon.“Hindi lang kita basta katrabaho.Proud ako sa lahat ng napagtagumpayan mo saksi ako sa ilang mga pagsubok mo at nakita ko kung gaano ka katibay pero wag ka magalala may bakal naman ako sa tuhod matibay tong shield mo hehe,” mensahe ni Seth alang kang Francine.
Dua Lipa dunay bag-ong awit
Gikatakdang ilusad sunod buwan sa British pop star nga si Dua Lipa ang iyang bag-ong awit nga "Training Season" .
Human kini gianunsyo , nipadangat dayon sa ilang paghinam-hinam sa maong awit ang fans sa singer. Ang maong awit kay madungog sugod karong Pebrero 15. —Sanden J. Anadia
Celeste mobiya na sa pageant world
Nalakip sa cast sa Season 2 sa “Walang Matigas na Pulis sa Matinik na Misis” ang beauty queen nga si Celeste Cortesi.
Gusto ni Celeste nga suwayan napud ang laing butang busa wala na siya'y plano nga mosalmot og laing indigay. Suma pa sa beauty queen nga nahuman na ang iyang panahon sa pageant world ug panahon ang pagsulod sa pag-arte.
Nangandoy usab siya nga makapares sa usa ka proyekto ang aktor nga si Alden Richards. Pokwang nag-sorry sa Bureau of Immigration
Nangayo og pasaylo ang komedyanteng aktres nga si Pokwang ngadto sa Bureau of Immigration (BI) gumikan sa nabuhian niya nga mga dili maayong pulong nga dunay kalabot sa tingoha niya nga mapalayas dinhi sa Pilipinas ang iyang kanhi partner nga si Lee O’Brian.Kahinumdoman nga nakasulti si Pokwang kaniadto nga basin dunay koneksyon si Lee nga opisyal sa gobyerno hinungdan nga naa gihapon kini sa Pilipinas bisan paman nga duna kini deportation order.
Nasagmuyo ang aktres sa maong sitwasyon hinungdan nga nakabuhi kini og mga dili maayong pulong. "Humihingi po ako ng dispensa sa lahat, lalo na sa BI na pinamumunuan ni Commissioner Norman Tansingco at kay Secretary Boying Remulla na namamahala sa DOJ. Naniniwala po ako sa proseso ng hustisya sa Pilipinas. Pasensya na po kung sa bugso ng aking damdamin, ay may mga nasasabi akong di kaaya-aya," ni Pokwang pa.
Chad bida sa Dilig
Ang sexy actor nga si Chad Solano maoy bida sa Vivamax movie nga Dilig.
Kahinumdoman nga nakalugwa na siya kaniadto sa usa ka programa sa GMA-7 nga Magpakailanman. Nalakip pud siya kaniadto sa pelikulang Bamboo Flowers.
Willie andam na modagan pagka-senador
Nipasumbingay na si Willie Revillame kalabot sa plano niini nga mosulod sa kalibotan sa politika.
Giingong andam na ang TV host nga modagan pagka-senador.
Usa si Willie sa mga dinapit sa bag-ohay lang nga prayer rally sa Hakbang ng Maisug sa niaging adlaw didto sa Davao City kun diin naa usab ang presensya ni kanhi Presidente Rodrigo Duterte.
Gihisgotan ni Willie ang kaagi niya kaniadto sa dihang gipatawag siya ni Duterte sa Malacañang ug gipadagan siya pagka-senador ug iya kining gibalibaran niadtong higayona gumikan kay dili pa siya andam ug busy usab siya sa iyang programang Wowowin sa GMA-7.
Apan karong tuiga ,tataw nga nausab ang dagan sa hangin, giingong intresado na kini mosulod sa politika.“Palagay ko, handa na ako.Handa ho akong gumawa ng kabutihan.Handa akong magsilbi, hindi lang sa bayan.Handa akong magsilbi sa ating mga kababayan na nangangailangan ng tulong," ni Willie pa.
Pakaghuman og sulti ni Willie sa maong mensahe, giisa ni Duterte ang kamot ni Willie atubangan sa nagbaha nga mga tawo nga nanambong sa maong prayer rally.
Carla mi-renew sa GMA-7
Ni-renew na kagahapon sa iyang kontrata sa GMA Network ang aktres nga si Carla Abellana busa magpabilin siya nga Kapuso.
Mao kini ang nagtak-op sa chismis nga matud mobalhin ang aktres sa laing istasyon.
"I am more than delighted to be here in this morning. Today is a very special day for me. Napakahirap po at this moment na magpigil ng luha…ng iyak. This is very valuable sa akin. Napakaimportante po nito sa akin," suma pa ni Carla .
Nagpasalamat ang aktres sa iyang mother network sa padayon nga pagsalig niini sa iyang abilidad.
"Sabi nila, 'thank you that I decided to stay or sign again.' Ako po dapat ang magpasalamat sa inyo pong lahat for your trust. For your belief po sa akin. Hindi ko po ito makakalimutan. I will take good care of it. I will continue to grow and evolve and do my best 'yung aking pagiging artista at Kapuso. Kaya maraming salamat po," dugang pa niya.
Nitambong sa contract signing ceremony sila si GMA Network Chairman and CEO Atty. Felipe L. Gozon, GMA Network President and Chief Operating Officer Gilberto R. Duavit Jr., GMA Executive Vice President and Chief Financial Officer Felipe S. Yalong, GMA Network Senior Vice President for Entertainment Group Lilybeth G. Rasonable ug APT Entertainment CEO and President Director Michael Tuviera.
Sa iyang speech, nagpasalamat si Gozon kang Carla kay gipili gyud niini nga magpabilin sa network.
"Si Carla ay homegrown artist ng GMA at siya ay isa sa mga pinakamagaling, maganda at popular na artista ngayon kaya't kami ay nagagalak na pinili niyang mag-renew sa kaniyang home studio. At dahil bata pa si Carla, aking hinuhulaan na malayong-malayo pa ang mararating niya sa industriya," nagkanayon si Gozon.
Busy kaayo ang 2024 sa aktres ,gumikan kay gawas sa GMA Afternoon Prime series nga "Stolen Life" , malakip usab siya sa upcoming series nga "Widow's War" kauban si Bea Alonzo.