Miguel pasok sa  Running Man Philippines

CEBU, Philippines — Si Miguel Tanfelix ang  gidugang  nga miyembro o runner sa Winter Edition sa  Season 2 sa Running Man Philippines.

“Siyempre, overwhelmed ako dahil, unang-una, ang saya niyong kasama. Pangalawa, okay dito sa Seoul, Korea.

Very thankful ako sa Running Man dahil pinayagan nila ako na ma-experience ito," atol sa interview niini sa Fast Talk with Boy Abunda .

Gikatakdang i-ere  ang  Season 2 sa Running Man Philippines sa GMA-7 sa second quarter sa  2024.

Una na nga nilarga sa South Korea  sila si  Glaiza de Castro, Mikael Daez, Kokoy de Santos, Lexi Gonzales, Angel Guardian,ug  Buboy Villar .

Kathryn mobalhin  sa talent  agency ni Maja?

Gidungog nga dili na mo-renew si   Kathryn Bernardo sa Star Magic  ug giingong  mobalhin kini sa Crown Artist Management nga gipanag-iya sa magtiayong  Maja Salvador ug Rambo Nuñez.

Sa pagsuwat niining balitaa,  nagpakahilom pa ang aktres   , samtang ang iyang fans kay nakugang sa maong taho.

Kun pananglitan madayon si Kathryn sa pagbalhin sa  maong talent agency,  mahimo na siya molugwa sa nagkalain-laing istasyon.

 Pipila na ka   mga artista ang  gihuptan sa talent agency ni Maja , ug kini sama nila ni John Lloyd Cruz, Miles Ocampo,  Gelli de Belen, ug ang magkaluha nga  Joj ug Jai Agpangan.  —Sanden J. Anadia

Suportado ni Belle

Todo suporta si Belle Mariano  sa pelikula sa iyang ka-loveteam  nga si Donny Pangilinan,  Nitambong si Belle sa premiere night sa  "Good Game (GG) The Movie" .   Wala pud nagpaulahi sa maong kalihokan ang mga kaubanan ni Donny sa teleseryeng "Can't Buy Me Love” nga sila si Ketchup Eusebio, Anthony Jennings, Gello Marquez, Vivoree,  ug Nova Villa .

Gibasted ni Andrea?

Niulbo ang hungihong  nga matud gibasted ni Andrea Brillantes  ang Cebuano singer-actor nga si Kyle Echarri.   Nagsugod ang maong chika human  nagmaoy  si Kyle sa iyang social media post nga nagkanayon,”Akong kasing-kasing giguba na nimo… Unsaon mani nato?.”