Magpakasal sa laing nasud

CEBU, Philippines — Gibutyag ni  Dominique Roque  nga hands on  gyud si   Bea Alonzo  sa   preparasyon sa ilang umaabot nga kasal nga mahitabo sulod karong tuiga . Usa kini ka destination wedding  ug ipahigayon kini sa laing nasud.

“I think naman sa lahat, mas hands on ang mga babae kasi nagtanong na rin ako sa mga kaibigan ko na mga lalaki. Kasi minsan 'diba para naaasar 'yung mga babae kapag walang pakialam yung mga lalaki, pero actually hindi naman sa ganun," saysay pa ni Dominique ngadto sa  ABS-CBN News .

Una na nga gibutyag sa aktor nga wala niya damha nga mahimo niya nga hinigugma ang iyang crush nga si Bea.  

Okay na !

Giklaro  sa It's Showtime" hosts nga sila si  Vice Ganda and Anne Curtis   nga wala ra sila malain sa usa'g-usa human sa ilang "brandagulan" o  lantugi sa mga pulong sa  usa ka segment sa maong noontime show sa niaging adlaw.  Nag-istoryahanay na sila kalabot niini busa okay na ang tanan.  "Morning everyone. Guys, kalma. No need for such negative energy. Vice and I are fine. It was a lapse of judgment on both sides,” suma pa ni Anne.

Gikilig kang KD

Gikilig si Alexa Ilacad sa kaboutan sa iyang on-screen partner  nga si KD Estrada human gidepensahan siya niini sa gipanulti sa iyang bashers.  Una na nga nanawagan si  KD ngadto sa  bashers ni Alex nga lung-an na ang aktres ug dili maayo nga mosulti og dautang pulong ngadto sa atong isigktawo.

Mosunod sa  tunob  ni Luis

Aminado si  Luis Manzano nga ubay-ubay ka mga personalidad nga dunay  potensyal nga mosunod sa iyang tunob sa natad sa pag-host og mga programa sa telebisyon.Pipila sa iyang napanglantawan  sa bag-ong henerasyon  nga  dunay katakos sa pag-host mao sila si  Donny Pangilinan, Robi Domingo, Edward Barber, ug  Enchong Dee. 

Francine ug

Seo In-guk gikagobtan

Gipistahan  sa netizens ang gi-upload nga dance video ni Francine Diaz kun diin kauban niini ang  South Korean star nga si Seo In-guk. Nailhan si Seo gumikan sa mga  Korean drama nga "Reply 1997," "Doom At Your Service," ug "Cafe Minamdang."

"See you next month, My Love!" caption ni Francine sa maong videos.

 Sa pagsuwat niining balitaa , nakalangkat na kini og  5.5 million views .   Pipila sa ilang fans ang nakabatyag nga dunay chemistry ang duha.

Enrique  bida sa"I Am Not  Big Bird”

Hingpit na nga nibalik sa showbiz si Enrique Gil   ug ang pelikulang   "I Am Not Big Bird”  maoy iyang comeback project.

Ang maong pelikula kay makita sa mga sinehan karong  Pebrero 14 o Valentine's Day.

Si Victor Villanueva maoy direktor  sa "I Am Not Big Bird”, samtang si Lilit Reyes ang writer niini. Nalakip pud sa maong pelikula sila si Red Ollero, Nikko Natividad ug  Pepe Herrera.

Kris dunay sakit nga lupus

Sa labing  ulahi nga health update nga gipaambit ni Kris Aquino ngadto sa iyang Instagram followers , giangkon niya nga naghambin siya og sakit nga lupus.

Nagpabilin gihapon sa pag-istar sa Amerika si Kris alang sa padayon nga pagpaalim sa iyang sakit,

"I am already exhibiting many symptoms for another autoimmune connective tissue disease - it's highly likely based on my ANA count, my high inflammatory numbers, my anemia, my now constant elevated blood pressure at night and consistent appearance of the butterfly rash on my face that I'm on the initial stage of lupus," tipik sa Instagram post ni  Kris .

Matud pa niya nga mawad-an siya og gana sa kaon, ug  makasinati siya og paglabad sa iyang ulo .

Bisan pa man sa iyang sitwasyon, ipaneguro gyud ni Kris nga dili gyud  moatras sa maong pagsulay.

"Bawal sumuko, tuloy pa rin ang laban," ni Kris pa.

Pipila sa iyang  mga higala sa industriya  ang nipadangat og mensahe   alang sa pag-ampo sa iyang kaayohan.

Pipila niini mao sila si  Carmina Villaroel, Pokwang,  Francis Libiran, Michael Cinco, Darren Espanto,  Carla Abellana  ug uban pa.