Alden, nagpakinang ng Brilliant Awards

Makinang ang pagtatapos ng taon sa Brilliant Skin Inc., matapos ang kanilang Brilliant Awards 2023: Brightest of All Time.  Ginanap ito noong Disyembre 21 sa Newport Performing Arts Theater na dinaluhan ng mga franchisee at distributor nila mula sa iba’t ibang rehiyon sa bansa suot ang kanilang makinang na gowns na pawang kulay rosas.

Ang TikTok comedienne at content creator na si Queen Dura ang sumalubong ng panayam sa mga panauhin sa pink carpet sa isa sa tinatayang pinakamalaking kaganapan ng Brilliant Skin Essentials ngayong taon.

Ang programa ay binuksan ng A-Team, 4th Impact at Brilliant Skin Ambassador na si Andrea Brilliantes, na nagpakitang-gilas sa pagsasayaw bago sinundan ng opening speech ni Brilliant Skin CEO, Ms. Glenda Dela Cruz.

Nagpahayag siya ng kanyang pasasalamat sa lahat ng kanyang mga Brilliants - isang terminong ginawa niya para sa mga tagasuporta, franchisee at distributor na dumalo. Binanggit niya ang tagumpay ng Pinakamakinang: The Brilliant Concert 2023, ang paglulunsad ng TikTok Live Philippines sa Malaysia – na ginawa siyang unang Filipina Ambassador ng TikTok Shop Philippines. Ipinakilala rin sina Luis Manzano at Mariel Rodriguez bilang mga host ng event.

Si Daniel Matsunaga ang nagtawag ng mga unang pinarangalan, kabilang ang Live Streamer Award, Digital Market Place Trailblazer, E-Commerce Excellence Award, Rising Star in Outstanding Achievement, Exceptional Leadership in Network Growth at Team Player Extraordinaire. Ang mga awardee ay mula sa iba’t ibang distrito, lungsod, probinsya at rehiyonal na distributor.

Nagpakitang-gilas si Kean Cipriano kasama ang kanyang banda, sinundan ng unang raffle draw.

Nasa Brilliant Awards din si Ms. Korina Sanchez, na nagsalita tungkol sa pagsisimula ni Ms. Glenda dela Cruz  na ngayon ay isa sa pinagkakatiwalaang beauty brand sa bansa

Inawit ni Juan Karlos ang kanyang mga kantang Buwan at Ere, na nagbigay ng kasiyahan sa mga manonood, sinundan ng mga parangal para sa Top Sales Achievers. Nagpaunlak din si Jackie Gonzaga ng sayaw, na sinundan ng pagkanta at pagsasayaw mula kay Kyle Echarri. Hinarana rin nina Jason Dy at Paulo Avelino ang Brilliants sa kanilang song performances.

Ang highlight ng gabi ay ang pagbibigay ng parangal sa mga Top Regional Franchisees kasama ang bagong mukha ng kumpanya na si Alden Richards.

Nagtapos ang gabi sa isang performance mula kay Asia’s Soul Supreme, KZ Tandingan.