Nauyonan  ang pelikula

CEBU, Philippines — Nagmaya og maayo  ang aktres nga si  Beauty Gonzalez gumikan sa mga positibong feedback nga iyang nadawat gikan sa mga nakatan-aw sa grand premiere sa horror entry sa Metro Manila Film Fest (MMFF) nga “Kampon”. Suma pa sa aktres  nga wala gyud nasayang ang iyang kahago .  “Nabasa ko reviews. I felt good after. Thank you, Lord. At the end of the day, I just wanted to give my best, and to read those reviews, it feels good. Kasi nakita nila yung hard work ko. It is a totally different acting,” suma pa ni Beauty sa interview niini sa  ABS-CBN News .

Kondisyon ni Angelica

Gibutyag ni Angelica Panganiban nga niarang-arang na ang iyang pamati human siya nipaubos og stem cell treatment.  Dunay gihambin  nga sakit sa bukog ang aktres  kun diin mag-antos siya usahay sa kangulngol.

Emosyonal

Wala kapugong si Christian Bable sa pagtulo sa iyang luha  atol sa special screening sa pelikula niya nga “Broken Heart’s Trip” sa niaging gabii. Ang maong pelikula kay kabahin sa Metro Manila Film Festival (MMFF) 2023."Lagi naman gano'n 'pag first time mo mapanuod pelikula, nakaka-emo. Doon mo makikita puso at kaluluwa ng pelikula. And seeing 'Broken Heart’s Trip,' I am just so proud. Paulit-ulit, please allow us to be proud. We have a good film," suma pa sa aktor.

Fractured nag-una sa  iWantTFC

Ang  serye nga “Fractured“ nga gibidahan sa  magka-loveteam nga sila si  Francine Diaz ug Seth Fedelin  maoy nag-una sa listahan sa top originals sa iWantTFC karong tuiga.

Kauban nila sa maong serye sila si  Kaori Oinuma, Daniela Stranner, Jeremiah Lisbo, Raven Rigor, ug Sean Tristan. Nahimutang usab sa ikaduhang spot mao ang Teen Clash nga gibidahan nila ni Jayda ug Aljon Mendoza.

Nakasulod usab ang Drag You and Me  ni Andrea Brillantes  ug gidundan  kini sa “He’s Into

Her Season 2” (Donny Pangilinan ug Belle Mariano),  ug “Sleep with Me” ( Lovi Poe ug Janine Gutierrez).

Nikisaw pud ang  The Goodbye Girl  (Angelica Panginiban),  Wild Little Love (Andrea ug Seth), Taiwan That You Love (Barbie Imperial), Silly Shoes (Francine ug Kyle)  ug Malaya (Lovi ug Zanjoe).

Coney nakauyon sa iyang mga kaubanan

Nalingaw  ra og maayo si Coney Reyes sa young stars nga kauban niya sa Pinoy version sa  Korean series nga   “Shining Inheritance” . Sa iyang Instagram account, nag-post ang beteranang aktres  og hulagway kun diin katupad niya ang mga bitoon sa maong proyekto nga sila si Kyline Alcantara, Kate Valdez, ug  Michael Sager.

Nigamit si Coney og  hashtag  nga  #ShiningInheritance ug gi-tag niya ang nahisgotan nga mga artista. Ang  "Shining Inheritance" kay   orihinal nga gibidahan ila ni Lee Seung Gi, Han Hyo Joo, Moon Chae Won, ug Bae Soo Bin.

Rob na-link sa iyang co-stars

Gisumsoman sa mga chismosa sa niagig adlaw ang  chika  kun diin na-link ang pangalan sa mga beauty queen nga sila si Herlene Budol, Bianca Manalo, ug aspiring beauty queen nga si Pearl Gonzales  ngadto sa kauban nila sa teleseryeng Magandang Dilag nga si Rob Gomez. Una nga niulbo ang maong taho human dunay nigawas nga screenshots  kun diin makita ang  pagbinayloay og mga mensahe nga nga gikalimbigitan sa nahisgotan nga mga  pangalan. Ang pagsabot sa ubang  netizens sa maong conversation kay tataw nga nagpa-cute si Rob ngadto sa mga babaye nga kauban niya sa maong teleserye ug gikagat usab siya niini. Unang na-post ang maong  screenshost sa IG account ni Rob, ug dali nga giklaro sa aktor nga dili siya ang nag-post niini.

Suma pa sa aktor nga dili siya ang naghupot sa iyang cellphone sa dihang na-post ang maong sceenshots.

Ang niulbo nga chika nga ang nakailog sa iyang cellphone mao ang kanhi niya hinigugma nga si Shaila Rebortera  ug mao kini ang gidudahan nga maoy nag-post sa malisyosong screenshots.

Padayon nga gihuwat sa kadaghanan ang mga tubag sa duha kampo kalabot sa maong isyu. 

Katrina ug Jessica nang-hugyaw

Nakugang   ang fans nila ni Jessica Villarubin ug Katrina Velarde  gumikan sa lami nila nga pagka-kanta sa cover nila sa medley  sa mga sikat nga awit sa Air Supply.

Sa gi-upload nga video ni Katrina sa YouTube, gikanta sa duha ang “The One That You Love,” “I Can Wait Forever,”ug “Making Love Out of Nothing At All.”

Nipadayag ang ilang fans nga hugyaw gyud    ang rendisyon sa duha sa maong mga awit.

Nailhan sila si Jesssica ug Katrina sa kadaghanan isip bangiitan  nga mga mag-aawit.