CEBU, Philippines — Magpares sila si Heaven Peralejo ug Alden Richards sa usa ka pelikula ug gisugdan na ang shooting niini niadtong Disyembre 1. Si Alden mismo ang direktor sa maong pelikula nga nag-ulohan og Out of Order.
“Alden is… he's a first-time director pero he knows what he wants. He's really like one of the best directors I've ever had," matud pa ni Heaven.
Matud pa sa aktres nga dili istrikto pagka -direktor si Alden.
" He's gonna make you collaborate with you," dugang pa sa aktres.
Sa nangaging report, ang Out of Order kay kolaborasyon sa Viva Films, Studio Viva, ug sa kompanya ni Alden nga Myriad Entertainment.
JC mibakwi sa iyang plano
Dili na idayon ni JC Santos ang plano niya nga mobiya sa showbiz karong panahona .
Suma pa sa aktor nga duna siya' y nakalinya nga mga proyekto busa dili niya sayangon ang mga maayong opportunidad . Nalakip ang aktor sa pelikula ni Piolo Pascual nga Mallari ug dakong garbo alang kaniya nga makauban ang banggiitang aktor. Ang maong pelikula kay kabahin sa Metro Manlla Film Festival 2023. —Sanden J. Anadia
Kids Star International pambato sa Pilipinas napili nga first runner-up
Ang representante sa Pilipinas nga taga Naga, Cebu nga si Nikolah Lavadia maoy napili nga first runner-up -up sa Kids Star International pageant nga gipahigayon didto sa Thailand niadtong Disyembre 3 ,2023.
Siya usab ang nakakuha sa pasidungog nga Best In National Costume.
Sa nangaging mga kalihokan sa maong indigay , gikatahong nikisaw na ang pangalan ni Nikolah gumikan sa kaanyag niini . Tinun-an siya sa Grade 6 sa Pitalo Elementary School .
Miyembro usab si Nikolah sa Arnis Club ug kasamtangan usab nga naglawig ang iyang modelling career. Ang nipaluyo kaniya sa pagsalmot sa Kids Star International pageant mao ang iyang inahan nga maoy nag-unang inspirasyon sa iyang kinabuhi inubanan usab sa suporta nila ni Leo Sanchez ug Elmer de Venancio (gown designers) Glenn Nino Noval (stylist) , Ryan Mark sa Rapid Mind (Q and A coach ) Bjay Menguito (national costume designer) , Lee Harvey Caballero (photographer) ug Prince Jehosaphat Amit ( pasarela trainer).
"The Hows of Us" nag-una sa Netflix
Human sa kumpirmasyon sa breakup nila ni Kathryn Bernardo ug Daniel Padilla, nalandig og kalit sa number 1 spot sa Netflix dinhi sa Pilipinas ang pelikulang The How of Us .
Giingong gitan-aw og balik sa KathNiel fans ang maong pelikula . Pipila ka netizens ang nikomento nga gimimgaw na og maayo sa ilang idolo ang fans sa KathNiel .
Sa social media ,padayon gihapon ang pagmaoy sa ilang fans nga gisayangan sa 11 katuig nga relasyon nila ni Kathryn ug Daniel.
Francine mopadayon og eskwela
Seguradoon ni Francine Diaz nga maka-eskwela og balik sunod tuig .
Bisan pa man sa maayong dagan sa iyang career , hatagan gyud og importansya sa aktres ang paghuman og eskwela.
Suma pa ni Francine nga ipaneguro niya nga duna siyay padulngan kun maabot ang oras nga mawala siya sa showbiz.
Gugma sa kaugalingon ang palabihon
Karon nga single na ang iya estado , gibutyag ni Miles Ocampo nga mas higugmaon pa niya og maayo ang iyang kaugalingon niining higayona.
Wala siya'y plano nga idetalye pa og maayo ang breakup nila ni Elijah Canlas.
Una na nga gibutyag ni Elijah nga magpabilin gihapon ang panaghigalaay nila ni Miles bisan paman nga naputol na ang ilang relasyon. Gini gitataw usab sa aktor nga pabilin niya nga suportahan ang showbiz career ni Miles.
Numero uno nga podcast
Ang Skypodcast sa magtiayong Slater Young ug Kryz Uy maoy number one podcast sa Spotify dinhi sa Pilipinas alang sa tuig 2023.Nagpasalamat ang duha sa tanang nisuporta sa ilang podcast."Before this day ends, we couldn't have done it without #skyfam's continuous support and love. Thank you for tuning in and making us the Top Podcast of 2023! ," Instagram post sa magtiayon.
Tabangan ni Yassi
Andam manubag si Yassi Pressman sa nabuhat nga sala sa iyang drayber nga nakabangga og laing sakyanan. Nisaad kini nga mohatag og P100,000 alang sa danyos niini . Wala napud nagtrabaho kang Yassi ang iyang drayber . Kahinumdoman nga gireklamo sa programa ni Senador Raffy Tulfo sa niaging adlaw ang drayber sa aktres.
Third party ?
Niulbo karon ang hungihong nga matud pa na-link sa usa ka non-showbiz nga babaye si Xian Lim . Nisamot na hinoun ang intriga nga nagbuwag na sila si Xian ug Kim Chiu. Nagkauso karong panahona ang breakup sa mga artista nga mag-uyab.