Andres, ‘di pa alam kung papasok sa E.A.T.

“We’ll see. Only time will tell,” sagot ni Andres Muhlach sa tanong kung mapapanood na rin ba siya sa E.A.T.

May hint kasing magkakasama na sila ng kakambal niyang si Atasha sa programa ng TVJ sa TV5.

Anyway, ni-represent ni Andres ang daddy niyang si Aga Muhlach sa ginanap na The 6th EDDYS last Sunday kung saan kasama sa tumanggap ng Icon Award si Aga na kasalukuyang nasa abroad kung saan tinilian siya ng audience.

Kakabugin ni Andres ang mga matinee idol ngayon. Gwapo ito, mabait, at ang galing ng PR.

Nang tanungin naman siya kung sino ang crush niya sa showbiz, wala raw siyang maisip as of now.

Hindi pa nagkaka-girlfriend si Andres kahit 21 years old na ito.

Nag-aral siya sa Spain for three years at may natitira pa siyang one year sa school pero hindi na siya babalik sa Spain. Online na lang niya ito tatapusin.