Iza mitiyabaw sa pagbisita sa GMA Network

CEBU, Philippines — Wala kapugong si Iza Calzado sa pagtulo sa iyang luha gumikan kay human sa 12 ka tuig, nakabisita na gyud siya og balik sa    GMA Network .

Ang Kapamilya actress maoy guest sa  “Fast Talk with Boy Abunda” sa niaging adlaw ug samtang pasulod siya sa building sa GMA, nilutaw gyud ang iyang pagka-emosyonal.

“It’s nice to be back. Hindi ko sukat akalain na mangyayari ito,” matud pa sa aktres. 

Tambag ni KC alang sa mga babayeng single

Mipaambit si KC Concepcion og tips alang sa mga babaye nga nagpabilin gihapon nga single.

Sa iyang latest YouTube vlog , gitubag niya ang pipila ka pangutana sa netizens  ug usa sa  gihatagan niya og pagtagad mao kun unsa ang angayang buhaton sa mga babaye nga walay uyab.

Gitambagan kini ni KC nga angayang pahimuslan ang panahon samtang single pa ilabi na kadtong naa sa 30's.

"I love being in my 30s. I think 30s are a lot more empowering and a lot more fun than your 20s because you know yourself better, or you should know yourself better,” ni  KC pa.

Matud pa niya nga labing maayo nga magmatinud-anon ug makontento sa kasamtangang estado.

“Yung strengths ninyo, weaknesses ninyo, yung maging totoo kayo kung hanggang saan lang kayo,” dugang pa niya.

Dugang tambag ni KC alang sa mga single , seguradoon nga dunay trabaho.

“So you should have more money than you did in your 20s. You should be more conscious of taking care of yourself. It’s like being in your 20s, but better,” saysay pa ni KC.

Usa pud sa mahimong kalingawan sa mga single kay ang pagbakasyon.

“You’re still young, and especially now it’s a lot easier to travel, mas marami na tayong alam because of social media so I think in your 30s, it’s a good time to still enjoy life.  What our lives look like in the next five years, really depends on what we do now,” paambit pa ni  KC.

Sa pagka-karon, maayo ra ang dagan sa relasyon ni KC ngadto sa  Filipino-Swiss niya nga uyab nga si Steve Michael “Mike” Wüthrich.

Anji mibisita  sa mga bata  nga dunay  cancer

Emosyonal ang Kapamilya star nga si  Anji Salvacion sa dihang gibisita niya ang mga bata nga dunay cancer . 

Sa  video nga gi-release sa  Star Magic, gibisita niya ang National Children's Hospital sa  Quezon City .

"Mahilig din kasi ako sa mga kids eh. I want them to have a childhood memory na they could share sa mga susunod nilang pwedeng pag-share-an na mga bata rin who've been through worst and who've been through a lot. They deserve to be happy.,” niya pa. Nag-apod apod usab og Christmas gift packs  si Anji ngadto sa mga bata.

"Ako kasi I had a good childhood. Although wala ang dad ko pero at least my family make it better for me. Imagine these children na they're supposed to enjoy life, everybody deserves to be happy. They deserve to be happy, they deserve all the love, all the beautiful things. Imagine these children being here instead of being out there," dugang pa ni Anji.

Uyab gihapon

Nasigpatan sila si Kathryn Bernardo ug Daniel Padilla sa usa ka  kalihokan  sa niaging adlaw. Gipamatud-an sa duha nga dili tinoud ang niulbo nga chika nga nagbuwag sila. Kauban nila sa maong kalihokan ang magtiayong Maja Salvador ugRambo Nuñez.

Janet mobalik sa nasud

Motikang og balik dinhi sa Pilipinas  ang International pop superstar  nga si Janet Jackson.  Mahitabo ang iyang konsyerto karong Marso  13, 2024 sa  Smart Araneta Coliseum  ug nag-ulohan kini og "Janet Jackson: Together Again”.  Ang katapusang pagtikang ni Janet  sa nasud kay niadtong 2011 alang sa iyang  "Number Ones – Up Close and Personal" world tour. Ang singer maoy nagpasikat sa mga awit nga "That's The Way Love Goes," "All For You"ug  "Together Again."

Daghan og viewers

Nakakuha nasad ang  drama series nga  "Can't Buy Me Love" og bag-ong concurrent viewership record sa niagong gabii.  Nakalangkat kini og 466,920 peak concurrent viewers  alang sa mga nanan-aw sa  Kapamilya Online Live. Ang maong serye kay gibidahan nila ni Donny Pangilingan ug Belle Mariano.

Nadine bida sa "Roadkillers"

Subli napud nga makita  sa usa ka series ang award-winning actress nga si  Nadine Lustre ug kini pinaagi sa  "Roadkillers" sa  Prime Video.

Sa gipagawas nga teaser, makita ang karakter ni Nadine nga nalambigit sa  krimen  inubanan  sa voice over nga "Minsan 'pag nagkagipitan, may nagagawa kang masama para sa mga taong mahal mo."

Si Rae Red ang direktor sa  "Roadkillers" nga makita sa  Prime Video sugod karong  Nobyembre  30.

Ang katapusang serye ni Nadine kay  ang  "Till I Met You" sa ABS-CBN  kauban ang iyang kanhi uyab nga si   James Reid niadtong  2016.

Seventeen mitambong sa UNESCO Youth Forum

Nitambong ang  K-pop boy band nga Seventeen sa bag-ohay lang nga 13th UNESCO Youth Forum didto sa Paris.

“Let’s make it so we’re all #GoingTogether by learning together,” tipik sa social media post sa maong grupo.

Sa maong  youth forum , ni-perform ang  Seventeen sa ilang  hit songs nga “World,” “Darl+ing,” “Headliner,” “God of Music,” ug “Together.”