Jon Lucas, most hated villain ngayon!
MANILA, Philippines — Revelation pala ang galing ni Jon Lucas bilang si Calvin Magallanes sa pinag-uusapang primetime serye na Black Rider.
Ilang gabi pa lang pero nakuha na ni Jon ang inis at puot ng viewers sa pagganap niya sa kanyang karakter na nakakabangga ni Elias Guerrero, played by Ruru Madrid.
Nagkrus ang kanilang landas sa isang road rage incident kung saan pinagtanggol ni Elias ang kanyang sarili matapos mabangga ni Jon. Hindi ito pinalampas ni Calvin at gumanti ito kay Elias – inubos ang mag-iina ng huli kung saan buntis pa naman ang asawa ni Elias na si Bernice (Kylie Padilla).
Kaya naman saksakan ang galit ng viewers sa kasamaan ni Calvin!
Sey pa ng isang netizen: “Kuya gigil na gigil ako sa ginawa mo kanina bat ka ganyan!”
Sabi pa ng isa: “Nakuha mo inis ko Calvin pinatay mo mag-ina ni Elias.”
In real life ay alam ng kanyang fans at co-stars na kabaliktaran ng kanyang karakter si Jon kaya naman nagpapasalamat ang Kapuso star sa mga feedback ng viewers.
“Thankful po ako sa lahat ng manonood natin dahil nababasa ko naman lahat ng mga komento nila. Kung nagagalit man sila ay natutuwa naman ako dahil ang ibig sabihin nga ay nagiging epektibo po tayo sa palabas po,” pagbabahagi nito.
Keep up the good work, Jon!
Bongga.
- Latest
