Sophia nagmadaogon sa Dream Academy

CEBU, Philippines — Nakasulod gyud sa final round sa The Debut: Dream Academy ang Pinay nga si Sophia Laforteza ug nalandig gyud kini sa unang puwesto.

Nakaangkon si Sophia og 45,184 fan votes sa ikatulong misyon sa maong show.

Nakauban ni Sophia  sa final round sila si Celeste sa  Argentina, Daniela sa Amerika,  Nayoung sa South Korea, ug Manon sa  Switzerland.

Gikanta nila ang "Buttons" sa Pussycat Dolls.

Zephyrin, the musical' ugma na!

iatngan na og maayo sa mga mahiligon og dula sa entablado ang  Zephyrin ,The Musical nga mahitabo karong  Nobyembre  10-12, 2023 sa SM Seaside City  Centerstage.

Ang mga skedyul  kay  9 a.m., 3 p.m., ug 7 p.m.  Ang kita niini kay alang sa  Don Bosco scholars nga gidumala ni  Fr. Randy Figuracion ug ang maong dula kay ubos sa direksyon ni Jude Gitamondoc.

Mapalit  ang tickets sa Don Bosco o sa  Lourdes Shrine Parish Office.

Ang maong  musical kay maghisgot sa kinabuhi ni  Ceferino Namuncura, ang anak sa  Mapuche native chief nga si Manuel Namuncura, pangulo sa  Araucano tribe.

Nagbaha ang mga misyon nga maghatag og kaayohan sa kadaghanan.

Naumol ang musical  alang sa  selebrasyon  200th Anniversary sa St. John Bosco's Dream at Nine, ug 70th Founding Anniversary sa Don Bosco Technical College-Cebu, nga naestablisar sa  Salesians of Don Bosco (SDB) niadtong  1954.

Faith aprobado ni Glaiza 

Dako ang pagsalig ni  Glaiza de Castro sa abilidad ni  Faith Da Silva isip usa sa mga bag-ong  Sang'gre alang sa pagpadayon Encantadia Chronicles.

Pagadalhon  ni Faith ang karakter ni Flamarra, anak ni Sang'gre Pirena nga subling pagdalhon ni  Glaiza.

"Kanina nag-uusap kami ni Faith. Ikinukuwento n'ya sa akin 'yung pressure at nararamdaman n'ya. Ito na, natapos na 'yung story conference at nailatag na 'yung mga kanya-kanyang roles at kung ano 'yung papasukin nila," saysay pa ni Glaiza sa interview niini sa GMANetwork.com.

Matud pa sa aktres nga nakita na niya ang performance ni Faith sa ubang proyekto niini busa kampante ra siya sa aktres.

"Faith, naniniwala ako sa kakayahan mo. Pinanood kita sa TiktoClock, okay Faith Da Silva ka, ayon 'yung personality mo. Pero nakikita ko kasi sa kanya na talagang palaban s'ya,"dugang pa ni Glaiza.

“Mini Miss u” dance challenge sa “tao po”

Makig-”Mini Miss U”  si Bernadette Sembrano kauban ang  grand winner sa “Mini Miss U” sa “It’s Showtime” ng si Arianah Kelsey Lasam sa episode sa "Tao Po" karong Dominggo. (Nobyembre 12).

Gipaambit usab sa mga ginikanan ni  Arianah kun  giunsa nila pag-atiman ang ilang anak nga nailhan sa kadaghanan isip  "bibo girl".

Samtang kumustahon usab sa  Kapamilya reporter nga si Dyan Castillejo ang   Philippine Tennis Academy ,ingon man usab ang paghisgot sa  junior tennis coach nga si Jun Toledo.

Sa laing bahin,  mailaila ni  Kabayan Noli De Castro si Samuel Mercader sa  dairy farm niini sa Nueva Ecija.

Ang programang  "Tao Po" kay makita karong Dominggo sa 2:15 sa hapon sa A2Z ug 6:15 sa gabii sa Kapamilya Channel, Kapamilya Online Live, ug ABS-CBN News Online.

Pangalan ni Kaila mikisaw

Mapasalamaton si Kaila Estrada sa iyang ginikanan nga sila si Janice de Belen ug John Estrada gumikan kay gihatagan gyud siya og kagawasan sa pagpadagan sa iyang career.

"They let me figure out my way into show business. I feel that this has made me cherish it more because I know how much work I've put in," saysay pa ni Kaila sa  interview niini sa  ABS-CBN News.

Makadawat ra siya og mensahe sa iyang ginikanan kun siya mismo ang mangayo og tambag niini.

"They give advice when I ask—but only when I ask.When I mess up, they are always there to comfort me," niya pa.

Nikisaw ang pangalan ni Kaila gumikan sa hugyaw niya nga performance sa  Amazon Prime Video series nga Linlang.

"I feel validated. This project was quite intimidating. It is for professionals; the senior actors are so good. At the very least, I wanted to be on the same level as them. It required a lot of mental preparation to get myself ready," dugang pa sa aktres.

Nagpasalamat si Kaila sa tanang nisuporta sa  maong serye.

"I’m so happy and I feel so grateful. Kaya maraming maraming salamat sa mga nagmahal at sumuporta kay Sylvia and sa Linlang," sa aktres pa.

Taylor naglawig sa Billboard charts

Nagpungasi napud ang dugang kalamposan ni Taylor Swift  sa Billboard charts.

Ang album niya nga 1989 (Taylor's Version) kay nagpabilin nga  No. 1 sa Billboard 200.

Nahalinan kini og 1.653 million equivalent album units sa Amerika.

Nakabaton usab kini og 288,000 streaming equivalent albums (SEA) nga naghatod og 375.49 million on-demand official streams.

Kusog manaot gibadlong ni Kiray

Wala'y katungod ang mga tawo nga manaot  sa isigkatawo niini. Mao kini  ang mensahe ni Kiray Celis  sa iyang latest social media post. “Lahat tayo may karapatan magsalita. Pero hindi lahat may karapatan manira,”ni Kiray pa.

Sa comments section sa maong  post, daghan ang niuyon sa mensahe ni Kiray.

Gisurpresa sa mga higala

Malipayong gisaulog ni  Moira dela Torre ang iyang 30th birthday dili pa lang dugay kun diin gisurpresa siya sa iyang mga higala.

Kauban niya sa iyang espesyal nga adlaw sila si  Sam Milby, John Prats, Isabel Oli, Juan Karlos Labajo,  Elijah Canlas, Darren Espanto, Mimiyuuuh, ug Robi Domingo.

"I just want to thank everyone in this room for turning what I thought would have been the worst year of my life into the best one yet," saysay pa ni Moira.

Sa nangaging interview,  nag-istorya na sila sa iyang  estranged husband nga si Jason Marvin Hernandez kalabot sa mga importanteng butang ilabi na sa legalidad sa ilang separasyon.

“We were talking about papers. We were both talking about how God can turn things around even if it’s not what we thought it would look like. That we can actually move forward without bitterness, even if it’s not how we planned it. A lot like this song,” dugang pa niya.

Charlie-Carlo movie makita sa Netflix

Gipahibalo sa Black Sheep nga makita na sa Netflix sugod karong Nobyembre 16 ang pelikula nila ni Charlie Dizon ug  Carlo Aquino nga  "Third World Romance".

"Ang pag-ibig, pinaglalaban," social media post sa maong movie outfit.

Nalakip pud sa maong pelikula sila si Ana Abad Santos, Gardo Versoza, Archi Adamos, Iyah Mina, Esnyr Ranollo, Xilhouete, Brian Black, Lady Morgana, Junjun Quintana ug Donna Cariaga.