Pribado ang relasyon
CEBU, Philippines — Naanad si Juliana Gomez sa pribadong kinabuhi busa dili siya ang klase nga tawo nga iplastada ang uyab sa social media.
Nasayran nga dili kaayo siya mag-post sa Instagram sa hulagway nila sa iyang hinigugma nga si Miggy Bautista.
"I don’t really post, in this case, a boyfriend. It’s not something I post.I always think, not to be negative, but just like, 'We're not married, what if it doesn't work out? Then I’ll have to delete you?'", saysay pa ni Juliana sa interview niini kang Pia Arcangel.
Kinahanglan nga mailhan siya sa iyang pagkatawo ug dili tungod sa ubang tawo. "I don't wanna be known as someone who's in a relationship with this person. Especially because I have control over my social media. I really just post things that I like to take pictures of or things that I'm proud of," niya pa.
KathNiel project hanap pa
Naka-focus si Daniel Padilla sa iyang solo movie projects, ingon man usab ang iyang uyab nga si Kathryn Bernardo.
Sa pagka-karon, wala pa'y nakalinya nga mga proyekto nga paresan sa KathNiel. Gitataw hinoun ni Daniel nga mas bug-at og impact kun mataod-taoran pa ang subli nila nga panagpares ni Kathryn sa usa ka pelikula.
Mapaubsanon gihapon
Bisan paman sa kataas na sa iyang naabtan, gipasalig sa singer nga si Jose Mari Chan nga magpabilin siya nga mapaubsanon. Gani dili siya komportable kun tawagon siya og "King of Christmas Carols." Si Jose maoy nagpasikat sa “Christmas in our Hearts.”
“No, no, no. I’m not the king of Christmas carols. It just so happened that my 33-year-old Christmas song has been handed down to generations so that even young people now, the kids sing that song," nagkanayon ang singer.
''Nabanhaw"
Gipakugang nila ni Vhong Navarro, Teddy Corpuz, ug Jugs Jugueta ang viewers sa It's Showtime human nila gibanhaw ang hitsura nila ni Dolphy, Redford White, ug Babalu sa presentasyon nila sa "Magpasikat" sa niaging adlaw. Gigamit nila ang Artificial Intelligence (AI)] transformation technology ug gikanta nila ang “Sana’y Maalaala N’yo Kami” kun diin gihatagan nila og tribute ang mga nipanaw na nga komedyante.
Wala magdahom
Giangkon ni Ruru Madrid nga wala gyud niya damha ang pagsulbong og maayo sa iyang karera sa showbiz. Gipasalig niya nga ampingan gyud niya ang iyang talento ug mohatag og inspirasyon sa kadaghanan.
- Latest
