Victoria’s Secret Angels nahimamat ni Heart

CEBU, Philippines —Nahimamat ni Heart Evangelista sa personal  ang  Victoria’s Secret Angels nga sila si  Taylor Hill  ug Sui He sa usa ka  fashion event didto sa  Singapore sa niaging adlaw. Na-star struck  ang aktres  sa kaanyag sa nahisgotan  nga mga modelo.

 “I may have been the most petite in the room but @victoriassecret definitely made me feel like an angel alongside these beauties @taylor_hill @hesui923,” caption pa ni Heart sa gi-post niya nga hulagway kauban ang sikat nga mga modelo. Suki si Heart sa mga international fashion event busa makadaghan na nga higayon nga nahimamat niya ang mga sikat nga personalidad.

Ang pelikula nga Deleter nga gibidahan ni Nadine Lustre maoy nakaangkon sa  Best Scare Award sa 15th Grimmfest, usa ka tinuig nga  international festival didto  sa Manchester, England.

Gikatahong usa ka   independent genre film festival ang Grimmfest ug target niini ag mga pelikula  nga horror, cult extreme fantasy, ug sci-fi. Nagtuki sa istorya sa  online content moderator ang pelikulang Deleter, kun diin  gikalag kini sa iyang katrabaho nga naghimo og suicide video.

Kahinumdoman nga nahimong  top-grosser  ang Deleter sa sa Metro Manila Film Festival   2022.

Alden-Julia movie naka-P50M na!

Padayong nga nidagsa sa mga sinehan ang fans sa   Kapamilya star nga si  Julia Montes ug Kapuso actor nga si  Alden Richards aron motan-aw sa pelikulang  “Five Breakups and a Romance” . Sa labing ulahi nga update, nikita na og kapin sa P50-million ang maong pelikula.

Nasayran nga gawas sa Pilipinas, gipasalida pud sa laing mga nasud ang “Five Breakups and a Romance”.

Una na nga gipadayag sa duha nga dakong garbo alang kanila nga makatrabaho   ang award-winning-director nga si  Irene Villamor.

"Masaya po kami na nabigyan kami ng opportunity. Now that 'yung industriya natin talaga is really into collaboration, iisa lang naman po talaga ang opbjective natin is makapabigay ng quality entertainment sa mga Filipino," saysay pa ni Alden sa interview niini sa programang Magandang Buhay. 

Angelika subling  napili isip kapitana

Nakadaog  gihapon si  Angelika dela Cruz  sa subli niya nga pagpapili isip kapitana sa  Barangay Longos sa Dakbayan sa Malabon.

Sa iyang  Instagram account,  nagpasalamat ang aktres sa suporta sa iyang mga konsituwente.

 “Salamat po Brgy. Longos sa landslide win,” sa aktres pa. Samtang ang igsoun niya nga si Erick dela Cruz kay nakadaog usab sa posisyon nga Barangay Kagawad sa susama gihapon nga lugar. 

Managad gyud

Nakadayeg si  Kakai Bautista  sa mga bida sa Can’t Buy Me Love nga sila si Donny Pangilinan ug Belle Mariano gumikan sa maayong pamatasan nga gipakita niini sa ilang mga katrabaho. Nalakip  si Kakai sa maong serye  ug nakita niya nga managad gyud ang DonBelle ug dili gyud kini arte.

Reunion concert?

Nagmaya ang fans sa  banda nga  Rivermaya  human dunay nigawas nga teaser  nga nagpasumbingay alang sa sa  usa ka  reunion concert sa maong banda .   Ang Live Nation Philippines nag-upload og lima ka segundos nga video kun makita ang mga gihanap nga hulagway sa pipila ka mga inbidwal ug nipahibalo nga dunay dakong event sa umaabot   Pebrero 17, 2024.

Dream role ni  Ronnie

Gipangandoy ni   Ronnie Alonte nga masuwayan puhon ang role sa usa ka  iconic Pinoy superhero nga Lastikman. Sa dihang bag-o pa siya sa showbiz ,mao na gyud kini ang iyang gikahinaman ug nanghinaot siya nga maabot ang saktong panahon nga makasuway sa maong role."Lahat ng Lastikman simula kay Mark Bautista, Vic Sotto hanggang sa naging Vhong Navarro, nasubaybayan ko. Sobrang fan ako ng Lastikman. Sabi ko, soon kapag naging artista ako, parang gusto ko maging Lastikman. Gusto ko 'yung humahaba ang kamay ko," saysay pa ni Ronnie sa interview niini sa Star Magic Celebrity Conversations.