GMA at Abs-Cbn tuloy ang collab sa teleserye at pelikula! Barbie, ima-match sa kapamilya actor!

Marami pang susunod sa Unbreak My Heart na unang collaboration ng GMA 7 and ABS-CBN na dating magkalabang network sa bansa.

Mismong si Ms. Annette Gozon-Valdes ang nagkumpirma nito.

Bukod sa drama series, may partnership din sila sa pelikula.

Present ang top executive ng GMA sa ginanap na finale media conference ng Unbreak My Heart na last three weeks na ere.

Anong feeling na andito ka sa Dolphy Theater sa ABS-CBN? tanong namin kay Ms. Annette. “Alam mo parang at home ako rito. Ang gaan kasing katrabaho ng ABS. Parang with this project, it is not just the business that was developed pero also a friendship kaya parang at home na rin ako rito.”

Pang-third time niya raw sa bakuran ng ABS-CBN. “Pangatlo... kasi nanood din ako ng Showtime pala rito. ‘Yung first time was the signing, the announcement of Unbreak My Heart tapos nanood ako ng Showtime, tapos ngayon so third time na.”

Ano ‘yung next collab  after Unbreak…? dagdag na tanong namin. “Wala pang cast in stone but we’re hoping na meron pang collaborations.”

Kelan po ito? “Sana next year, sana may movie ‘di ba pati movies makagawa na. So nag-start na rin kami mag-usap so let’s see.”

May negotiation na for the movie? “Yes, actually may contract kami matagal na with Star Cinema pero ‘yun nga, since pandemic pa nangyari yon, wala pa masyadong magawang movie. Pero nung sa ABS-CBN Ball, nakausap ko ulit sila Kriz Gazmen  (producer and writer ) pati sila Carlo Katigbak (president and CEO OF ABS-CBN) and Cory Vidanes (Chief Operating Officer for Broadcast), tapos sabi ko ‘gawa na rin tayo ng movie,’ gusto na rin nila, e, so siguro matutuloy na next year.”

Kapuso and Kapamilya talents? “Yes, first co-production of movie ng Star Cinema and GMA.”

Meron ka pong naiisip kung sino among Kapuso stars? “Wala pa nga, eh, pero parang iniisip namin, si Barbie (Forteza), combined with one of their talents.”

Kinunan ang Unbreak My Heart sa Switzerland, Italy, at Pilipinas sa ilalim ng direksyon nina Emmanuel Q. Palo at Dolly Dulu at sa produksyon ng Dreamscape Entertainment.

Nakakawindang umano ang ending nito na umikot ang kuwento sa isang bawal na pag-ibig ang nagdadala ng sakit at hinagpis sa mga karakter nina Jodi Sta. Maria, Richard Yap, Gabbi Garcia, at Joshua Garcia na nag-umpisang mapanood kast May.

At nang tanungin namin si Ms. Annette kung anong support niya sa ipinamalit nilang programa sa It’s Showtime na suspendido ng 12-day ng MTRCB, It’s Your Lucky Day? “Well, pina-plug namin sa GTV and I think it’s a fun show, meron din tayong Sparkle artist na magiging halos mainstay for the run of It’s Your Lucky Day so excited ako na makita kung ano ‘yung show tomorrow (kahapon).”

Hindi pa natatagalan nang mag-umpisang umere sa GTV ang It’s Showtime.