Crypto group gireklamo nila ni Mikee ug Paul

CEBU, Philippines —  Nidangop sa Makati City Prosecutor’s Office sa niaging adlaw ang mag-uyab nga Mikee Quintos ug Paul Salas ug gipasakaan og reklamong estafa ang usa ka cryptocurrency group . Kauban nila ang laing pito nga nipasaka og reklamo sa upat ka mga tawo nga nakalapas sa Presidential Decree No. 1699 o Syndicated Estafa .

Niabot ngadto sa P8 milyon ang nakuha sa mga biktima.

Nagkanayon si Mikee nga maayo lang sa una ang maong grupo, apan inigkadugayan, kalit kini  nga mahanaw.

“I think that’s their modus din na aalagaan ka muna nila, papaniwalain ka nila na okay 'yung transactions with them until when you give a sufficient amount na or big amount na — more or less P8 million ‘yung nakuha nila sa amin, eh — tinakbo na nila,” suma pa ni Mikee.

Samtang gibutyag ni Paul nga ang nahitabo kanila kay maghatag og leksyon nga dili dayon basta-basta mosalig  ug kinahanglan nga huna-hunaon og maayo kun  mosulod og investment.

 “Ito’y pagbibigay warning lang na huwag masyadong magtiwala agad kasi pinaghihirapan natin 'yung pera na ito.

So bigay awareness lang din na let’s sleep on it, di ba, pag-isipan ang investments, huwag masyadong luwagan,” suma pa ni Paul.

Nag-inarte sa tourist spot maong gipalayas

Naglinabad  ang mga miyembro sa  banda nga Kamikazee  partikular na ang pagdumili sa pagkanaog sa van aron unta magpahulagway sa 16,000 Blue Roses nga usa sa mga tourist spot sa Casiguran, Sorsogon  ug mao kini ang usa sa mga giingong rason nga gipalayas sa maong dapit ang  nahisgotan nga banda.

Kahinumdoman nga namantala dinhi sa Banat News Hugyaw kagahapon ang report nga gipalayas Sorsogon Governor  Edwin “Boboy” Hamor ang Kamikazee gumikan sa attitude problem niini.

Gipistahan usab bag-ohay lang nga sa social media ang post sa usa ka  "Jonathan Valdez"  nga giingong usa sa nihimo og koordinasyon sa pag-abot sa Kamikzaae sa Sorsogon. Matud pa ni Jonathan  nga ang ubang banda nga ilang giimbitar  nga sama sa Imago ug  I Belong To The Zoo kay wala ra gyu’y problema ug nisugot ra sa ilang gamay nga request.  Apan ang Kamikazee ra gyud ang naglinabad.

“In my years of bringing bands/artists in Sorsogon, never po nag request ng picture si Gov. And I believe all the artists/bands na nakapunta sa Sorsogon can attest how considerate, kind, & generous Gov is, kaya naman I did everything to accommodate his very simple request couple of days before the event.IMAGO & I BELONG TO THE ZOO said "No problem" graciously, while this KAMIKAZE has been my source of stress days before the event for this simple request - hindi sumasagot,” unang bahin sa post ni Jonathan,

Medya oras sa wala pa gikatakda ang duha ka minutos nga pictorial, nitando ang Kamikazee apan pagkaabot nini sa lugar, wala monaog sa van ang maong grupo.

Gihangyo niya og maayo ang Kamikazee nga mokanaog na sa van sanglit naghuwat na ang gobernador  apan nagpaugat gyud kini.

Nitulo na ang iyang luha sa paghangyo . apan wala gyud siya panumbalinga sa Kamikazee . "Until lumapit na ang assistant ni Gov sa akin, "Jo halika, sabihin mo na kay Gov!" - ayun na, they got what they deserved!,” ni Jonathan pa. Pabilin nga tak-om ang maong banda sa isyu nga ilang giatubang.