Ang saya ng bonding nina Kim Chiu and Bela Padilla sa Switzerland.
“That feeling when you have that friend who asked you, “Ano gusto mo gawin?…then sabi mo “bahala kana, kahit ano.” Then here we are, straight from the train station, found ourselves swimming at Lake Zurich!!! #agadagad Feeling like a Swiss local!!! Thank you, momsy Bely @bela, for this experience. Days felt like months with you! Miss you sooo muchie, my Taurean twin!!!,” unang post ni Kim.
Dagdag pa niya : “Always together never apart, maybe in distance, but never in heart.”Core Memory!!!Glad to do this adventure with you momsy @bela? will never forget swimming in the lake the to the river!!! Snacks in the middle and unli laughter and catch up about life. hay!!!! next time sana with momsy @iamangelicap naman para full force ang #AngBeKi moment!”
Pagkatapos ng kanilang ASAP sa Milan, Italy ay sinamantala ni Kim na magkita sila ni Bela na BBF niya with Angelica Panganiban.
Samantala, ngayong Linggo mapapanood ang pinaka-inaabangang Milan show tampok ang bigating performances mula sa naglalakihang Kapamilya stars, global Pinoy talents, at guest artists sa part one ng ASAP Natin ‘To Milan show na eere ngayong Linggo (Setyembre 17) sa Kapamilya Channel, A2Z, at TV5.
Simula na ang pasabog na Milan party sa Pinoy pride hits performances ng ASAP icons na sina Martin Nievera, Zsa Zsa Padilla, Erik Santos, Angeline Quinto, at Regine Velasquez na sasabayan din nina Bamboo, Inigo Pascual, KZ, at ang nagbabalik na Ultimate Heartthrob na si Piolo Pascual.
Susundan din ito ng bagong single act ni Asia’s Pop Heartthrob Darren. Makikisaya rin sina Maymay Entrata at Donny Pangilinan.
Yayanig naman ang dancefloor sa matinding Dance U hatawan nina AC Bonifacio, Janella Salvador, at ASAP dance royalty Kim Chiu kasabay ang World of Dance Italy contenders at proudly Pinoy dance crew na Hermes.
Sasalang din ang iba pang bigating global Pinoy talents sa Milan stage, tulad nina Ireland’s Got Talent contestant Rodelle Borja, X Factor Italia biritera Camille Cabaltera, The Voice Kids Germany finalist Fiona Cassandra, at Accademia de Bel Canto International Vocal Competition Austria semi-finalist Joseleo Logdat, kasama sina Erik, Darren, Klarisse de Guzman, Jona, at Regine.
Kiligin din sa heartthrob performances ng paborito ninyong Kapamilya leading men na sina Paulo Avelino at Joshua Garcia, habang may Kitchie Nadal medley kantahan naman mula kina Kitchie mismo at Moira dela Torre.
Tuluy-tuloy ang sing-along sa karaoke hits biritan nina Martin, Erik, Angeline, KZ, at Regine. Hindi rin pahuhuli ang total collab nina Darren at Belle Mariano.
At bilang pasasalamat sa patuloy na tagumpay ng FPJ’s Batang Quiapo, magpapasaya ng mga Pinoy sa Italya ang Primetime King na si Coco Martin kasama ang kanyang leading lady na si Lovi Poe.