Gabby at Sharon nagkita, nagpaliwanag sa pag-unfollow ni KC kina Kiko at Frankie!
Part of the ‘gimmick’ ang hindi pagkikita sana nina Gabby Concepcion and Sharon Cuneta sa promo ng kanilang Dear Heart concert sa October 27, SM Mall of Asia Arena.
Pero hindi ito natupad. Kahapon ay nagkita sila sa ginanap na back-to-back presscon sa Okada Manila.
Naunang nag-presscon si Gabby at nung papatapos na siya ay umakyat na sa stage si Sharon.
Anyway, inamin ni Gabby na excited siya para sa fans na matagal nang mina-manifest na magkaroon sila ng reunion project. Na magaganap na nga next month.
Alam na alam ng actor na matagal na itong wish ng kanilang fans.
At regalo na rin daw niya ito sa anak nilang si KC.
Wala rin silang rehearsal at kanya-kanya muna sila, para may suspense aniya. “Kasi maganda na dun na kami nagkita. Kasi kung magkikita kami, marami pa kaming pag-uusapan,” pag-amin ng actor sa ginanap media conference.
“Hindi mo naman maalis na marami kaming pinagsamahan,” dagdag pa ni Gabby na parang nate-tense kahapon kaya panay ang pagpapatawa.
Ba’t inuna nila ang concert kesa pelikula? “Mahina ngayon ang mga pelikula, on the practical side, mas ok naman ito,” sagot nito.
Natanong din si Gabby kung paano niya ide-describe ang relasyon nila ni Sharon sa kasalukuyan at sey ng aktor, “Well, right now, we don’t have a relationship.”
Pero sa true lang, ang lakas pa rin ng kilig sa kanila in all fairness.
Lalo na nga at ang sexy ni Sharon ngayon, parang 30 years old ulit. Aniya, almost 100 lbs na kasi ang natanggal niya kaya kinailangan niyang magpatanggal ng balat sa braso dahil nga pumayat siya at lumaylay ito.
Pagkatapos nga ni Gabby ay si Sharon naman ang humarap sa entertainment press. At as usual, masarap kausap si Sharon.
Ang haba niyang sumagot sa bawat tanong. At ang isa sa mga sinagot niya ay ang pag-unfollow ni KC kina former Senator Kiko Pangilinan and Frankie. “All my four children know, I am a mother first, I always say that. I am a mother first. Because based on experience, ang asawa pwedeng mawala, pero ang dugo at laman mo, bumaliktad man ang mundo, dugo at laman mo yan,” umpisa ni Ate Shawie sa presscon.
“Do you know what? I don’t play favorites. Some people seem to think favorite daughter ko si Kakie. No. I love all my children equally. It’s just that dun sa totoo, kung sino siyempre ang lagi kong kasama, katabi, meron ka lang mas nakakasundo.
“And among all my children, ang kaugali ko si Frankie and Miel is my buddy and Miguel, he’s such a gentleman. Ang hindi ko nakikita si KC so when she mentioned she’s alone (in an interview), I feel bad because it was her choice, when she left home at 18 because she went to school kasi medyo hindi Filipino ang thinking, mukhang European ‘di ba?”
Nabanggit din ni Sharon na sa edad na 18, ipinakita na rin sa kanila ni Kiko ang choice niyang condo. “Hindi ko siya mapigilian because I also want her to fly and learn how to live on her own.”
Dagdag pa niya, “From the time I raised her, from when we separated, she was two and a half, until when she was 18, ang katulong ko magpalaki, yung Mommy ko or Daddy ko, but I never asked even a peso from my parents.
“I wanted to set that example with KC na ang babae, ‘di mo kailangan ng lalake para mabuhay, you have to work for your own savings, dapat meron kang pagkukunan in case ‘di ka makapag-asawa or maging fate ‘yung nangyari sa amin.”
At dito na nabanggit ang tungkol sa pag-unfollow nito sa stepdad at stepsis : “Our house, our home, has always included her. Kiko raised her since she was nine years old. They’ve been very close, shock absorber niya yun, takbuhan niya ‘yan… sounding board…na kahit minsan may tampuhan kami, si Kiko ang kausap. ‘Yung pag-unfollow I know you’re all curious about that…
“If I didn’t have my parents and my brother and my best friends and all those people that sincerely cared about him when I was growing up especially in the business, and probably would have turned out to be a very horrible, arrogant person kasi impressionable ang bata akala mo with fame, ikaw ang pinakamagaling sa lahat. Siguro nagkaroon lang konti… okay first of all, KC, let’s just say, is the opposite of me, nakuha niya ‘yung dugo ng papa niya, kaya sila magkasundo, they’re the same. For better or worse, they’re the same.
“Sometimes, ‘pag pinapaalahan ang tao ng amain, anak, kapatid, mommy… meron mga tao na ganun lang pagtatampuhan. It hurt me siyempre but pamilya kami. This is a family matter. She’s close to her Papa now and that makes me happy. I want to remind the whole world, since Gabby and I separated, not once never a time na ‘di pwede puntahan ng tatay niya. I never prevented them seeing each other.
“Lahat ng decision ko nung araw because of KC. She was my whole world. I’m happy they’re together now. But also, I don’t want them to forget, least of all KC, all the sacrifices I made when I was raising her because it wasn’t easy. I had her at 19, I was still finding my way in the world as a new adult and I had to raise her and I made my work my therapy… So I have to trust in the way that I raised my daughter. I love KC very, very much. I would die for her, for Frankie, Miel, and Miguel, if I have to.
“So, I’m happy that they’re close. I love her very, very much from the bottom of my heart. So ‘yung mga nag-ba-bash, siguro ‘yung mga gusto maging nanay ni KC (laughs), or ‘yung mga troll na walang magawa or fans na ‘di nakakaintindi, ‘wag kayong magdungun-dungunan… ang showbiz trabaho namin, hindi kami showbiz na family. Pag-uwi we’re very decent and private. And some things have to stay within the family, so you can’t expect me na siraan ko ang anak ko.
“Lahat ng tao nagkakamali and as long as an apology is sincere and you have accountability for it, this is for all my children, I will always forgive and embrace them with open arms,” mahabang paliwanag pa ni Ate Shawie sa mainit na pinag-uusapan tungkol sa kanilang pamilya.
Anyway, hindi manonood ng concert si Kiko at mga anak nila except for KC.