Gibutyag sa Vivamax star nga si Yen Durano nga mas komportable siya nga babaye ang iyang ka-love scene sa pipila niya ka mga proyekto.
Nasuwayan niya ang maong eksena sa umaabot niya nga sexy movie sa Vivamax nga nga Patikim-Tikim. Ang maong pelikula kay makita na sugod karong Septiyembre 14.
Nalakip pud sa Patikim-Tikim sila si Aerol Carmelo, Apple Dy, Chloe Jenna, Jaggy Lejano, ug ubos kini sa direksyon ni Joey Javier Reyes. -SJK
Tinud-anay nga gugma
Gibutyag ni Chie Filomeno nga dili basta-basta ang gugma ni Jake Cuenca ngadto kaniya. Nakita gyud niya ang tinud-anay nga intensyon ni Jake . Makasinabot usab sila sa bisan unsa nga mga butang.
Engaged
Engaged na ang actress-model nga si Lauren Reid ug ang iyang non-showbiz boyfriend nga si Harry Marquis. Kahinum-doman nga si Lauren maoy gipasanginlan kaniadto nga maoy rason sa seperasyon nila ni Gab Valenciano ug Tricia Centenera naidtong 2016. Hugtanong gihimakak ni Lauren ang maong taho.
Suporta sa fans
Gitataw ni Coco Martin nga ang kalamposan nga naangkon karon sa iyang kinabuhi kay nagagumikan sa dakong suporta sa mga tawo ngadto sa iyang showbiz projects. Suma pa sa aktor nga duna pa siya'y dakong enerhiya sa pagdawat og daghang projects gumikan sa suporta nga iyang nadawat. -Sanden J. Anadia
Gello Marquez naka- album na
Gilusad na sa “Idol Philippines” season 1 alumnus ng si Gello Marquez ang iyang self-titled debut album nga ubos sa Star Music.
“Dati nangangarap lang ako na magkaroon ako ng sariling kanta, ngayon album pa yung ibinigay. Sobrang overwhelming para sa akin na nangyayari ang lahat ng ito,”suma pa ni Gello.
Adunay pito ka Tagalog songs ang iyang album, ug kini naglangkob sa Hanap Kong Baby,” “Kumot At Unan,” “Duda-duda,” “Kaibigan,” “Teddy Bear,” “Torpe,” ug ang unang single niya nga “Penpen”.
“It’s a modernized version of old songs kasi sobrang love ko yung mga lumang kanta,” dugang pa niya.
Sa awit nga “Penpen,” gikumpara niya ang gugma sa Pinoy game nga “Penpen de Sarapen.” Sinulat kini nila ni Allan G. Alveyra Jr. ug Karl James Fabregas.
Kauban usab ni Gello sa “Penpen” music video, mao ang BGYO member nga si Akira Morishita ug kanhi “Pinoy Big Brother Otso” housemate nga si Ashley del Mundo .
Madunggan ang mga unod sa debut album ni Gello sa nagkalain-laing music streaming platforms. -Sanden J. Anadia
Nagkainit ang mga eksena
Nagkainit na og maayo ang revenge afternoon drama nga "Nag-Aapoy Na Damdamin" gumikan sa nagkabog-at na mga mga eksena niini. Matud pa sa mga bida niini nga sila si Jane Oineza, Ria Atayde, JC de Vera ug Tony Labrusca nga daghan og angayan atngan ang ilang viewers.
"Pa-intense nang pa-intense... Ito na talaga 'yung tapatan naming apat at ibang characters pa. Nandiyan na yung revenge, sagad na gantihan. Basta pa-intense pa nang pa-intense," matud pa ni Jane. Gi-produce kini sa JRB Creative Production ,ug koloborasyon sa ABS-CBN ug TV5. -Sanden J. Anadia
MMFF target sa Aga-Julia movie
Dunay plano ang Viva Films nga ipasalmot sa 49th Metro Manila Film Festival ang Forgetting Canseco, ang romantic movie nga ubos sa direksiyon ni Denise O’Hara.
Gibidahan kini nila ni Aga Muhlach ug Julia Barretto.
Katapusang pelikula ni Aga sa MMFF mao ang Miracle in Cell No.7 niadtong 2019 kun diin top-grosser kini niadtong higayona. -SJA
Mokang dili wagtangon
Nakuryuso ang fans ni Lovi Poe kun unsa na ang mahitabo sa karakter niini isip Mokang sa "FPJ's Batang Quiapo," , ilabi na karon nga duna na'y bag-ong love interest ang karakter ni Coco Martin nga Tanggol.
Nasayran nga nisulod na si Ivana Alawi sa maong teleserye.
Giklaro ni Lovi nga mobalik siya sa Batang Quiapo ug dili tinoud ang niulbo nga chika nga matud pa hingpit na nga giwagtang ang iyang karakter sa maong action series.