Tinatanggi pala ng ilang malalapit kay KC Concepcion ang isyung ito ang nagmana ng mga naiwang kayamanan ng kanyang lola Elaine Cuneta.
Hindi raw ‘yun totoo.
Maging ang sinasabi nung iba na si KC ang nagbayad ng hospital bills nung bago ito pumanaw ay hindi rin daw totoo.
Ang mommy pa rin diumano nitong si Sharon Cuneta ang pinamanahan at nagbayad ng sinasabing hospital bills.
Gulat nga raw ang ilang relatives nila na ba’t laging ganun ang sinasabi samantalang ‘di ‘yun totoo.
Kontrobersyal ngayon ang sinasabing samaan ng loob nina Sharon at KC na pinapayuhang pag-usapan na lang nila nang personal at ‘wag nang idaan
sa social media.
Actress / beauty queen, milyones ang TF sa personal appearance
Milyon pala ang talent fee ng isang actress / beauty queen sa personal appearances niya.
Yea, ang dami raw sana ritong gustong kumuha dahil super popular nga at mahusay mag-host pero mahalya pala ang talent fee, milyon kaagad.
At may oras lang daw ‘yun ha, hindi naman whole day appearance.
Dahil talaga sa social media mas nagdagdag pa ng talent fee ang mga celebrity.
Lalo na kung pini-pick up pa ng ibang news website na mas pino-promote pa nila. Ayun na, mas tumataas pa ang value nila.