CEBU, Philippines — Napili nga Best Actress si Heaven Paralejo sa 39th Luna Awards nga nahitabo niadtong Sabado sa gabii.
Nataypan ang maayong pag-arte ni Heaven sa pelikulang Nanahimik ang Gabi. Gipahinungod sa aktres ang iyang acting award ngadto sa iyang inahan nga mao usab ang nibarog isip iyang business manager. Nakadaog usab si Noel Trinidad isip Best Actor gumikan sa iyang karakter sa Family Matters, samtang nakuha usab ni John Arcilla ang award nga Best Supporting Actor alang sa pelikulang Reroute sa Viva Films.
Napili nga Best Director si Mikhail Red alang sa Deleter.Ang Family Matters ang gianunsyo nga best movie.
Duna pu'y nakadawat og special awards nga naglangkob nila ni Leo Martinez (Fernando Poe Jr. Lifetime Achievement Award), Senator Imee Marcos (8th GoldenReel Awardee), Conrado Baltazar (posthumous awardee sa Lamberto Avellana Memorial Award), ug Ricky Lee (Manuel de Leon Achievement Award).