Juday, ilalantad ang nangyayari sa loob ng industriya

Natapos na ang shooting ni Judy Ann Santos para sa Call My Agent na hango sa French series.

Ayon sa Young Superstar ay halos isang taon din ang inabot ng kanilang trabaho mula sa direksyon ni Erik Matti. “Finally, we’re done after filming for 10 months. It’s a very, very fun project. I’m so excited for everyone to see it. It’s different. Different in a way na it showcases what’s really happening inside the industry,” nakangiting pahayag ni Judy Ann.

Kamakailan ay napabalita na posibleng makatrabaho ng aktres si Claudine Barretto. Nabanggit ni Claudine sa aming naging panayam na talagang nangangarap din itong makasama si Juday sa isang proyekto. “Wala pa, may inquiry tungkol sa schedule. Pero wala pang nagpi-pitch ng konsepto,” pagtatapat ni Juday.

Samantala, matatandaang naganap ang media conference ilang buwan na ang nakalilipas para sa The Diary of Mrs. Winters.

Sina Judy Ann at Sam Milby ang magbibida sa naturang horror film na kukunan pa dapat ang mga eksena sa Canada. “I’m hoping na matuloy siya because it’s something na nasabi na namin. It’s a Ricky Lee script and it’s my first time to work with Direk Rahyan Carlos. So pinagpe-pray ko na sana matuloy. Pero kung hindi matuloy, hindi siya para sa akin. Sa pagkakaalam ko na-push back kasi hindi lumabas ang visa ko. Sa visa ko nagkaproblema and then naubusan na kami ng winter. I think at some point, we will just wait for the next winter to come and hopefully by that time, nakalabas na ang visa ko,” kwento ng aktres.

Jay-R, ginawan ng kanta si Kyla

Nasa bansa ngayon si Jay R para sa kanilang reunion concert ni Kyla na may titulong Back In Time. Gaganapin ito sa New Frontier Theater sa Sept. 2. Naibahagi ni Jay R kung paano nabuo ang konsepto ng naturang concert. “The motivation stems from a song that I wrote for her way back in the day called ‘Back In Time.’ Then the label loves the song so much. They named her album Back In Time. Fast forward to 20 years later, it makes a good concept for a show kaya gano’n ‘yung naging concept. And the reason why it’s with Kyla is because pagdating sa R&B, they think of the other pair which is me Jay R. So it makes total sense to bring together the king and queen of R&B for a concert. Itong Back In Time, we’re going to stick to the words, the concept talaga,” pagbabahagi ni Jay R.

Mahigit dalawang dekada nang aktibo sa music industry sina Jay R at Kyla. Ayon sa R&B singer ay kaabang-abang din ang iba’t ibang kanta mula sa kanilang mga idolo na nagbigay ng malaking impluwensya sa istilo pagdating sa musika. “We’ll also bring those favorite songs from our favorite artists who inspires us to sing and to get better at our craft. ‘Yung set list namin for sure original music. As artists, we love to sing our own music. But we get inspired by other artists locally and internationally. Basta maganda ‘yung kanta, we like it and we’ll be able to sing our own versions of it. So for the set list we plan to do some of those songs na paborito namin at kinakanta din namin dati sa mga shows,” paglalahad ng singer.

Sobrang proud umano ni Jay R dahil hanggang ngayon ay patuloy pa ring tinatangkilik ng mga tagahanga ang kanyang kanta. “We’re very proud kasi they’re classic now and they’re classic for a reason. It’s good music so it doesn’t matter kung anong era we got to sing it in. I feel like it’s going to gravitate towards an audience whether it be young or old. Kasi ‘yung kanta maganda talaga eh. The melody and the lyrics universal talaga siya. It’s for everybody,” paliwanag niya. — Reports from JCC