Hiyas ng Pilipinas mga pambato sa Visayas gipaila na!
CEBU, Philippines — Pormal na nga gipaila dili pa lang dugay ang 15 ka mga kandidata nga gikan sa Visayas alang sa Hiyas ng Pilipinas 2023 ug puros gyud kini mga tang-an ilabi na nga nag-agi kini og makuti nga screening.
Gihimo usab ang sashing ug contract signing sa mga kandidata nga gipahigayon sa Waterfront Cebu City Hotel and Casino kun diin gipahimagnoan kini sa ilang mga obligasyon ilabi na sa nakalinya nila nga mga skedyul alang sa mga nagkadaiyang kalihokan. Ang unang 15 ka mga kandidata sa Hiyas ng Pilipinas nga nagikan sa Visayas kay nalangkob nila ni Leslie Jane Sienes Montecino, Shela Pocong Quisaot, Trishia Marie Castillo Libres, Rafa Monica Ronquillo Fernandez, Amadine Bertille Ochea Bitoon, Iza Gail Perez Latonio, Jacklaine Rose Placencia Tuyco, Jackelaine Adarayan Fleming, Kathleen Mae Baticolon, Nina Blythe Gualiza Boniel, Ronae Jane Tamares, Irish Delima, May Angelic Emmanuel Marzouk, Mary Jholeen Ongos Panugalinog ug Nikoline Grace Jensen.
Gipaneguro sa chairman sa Hiyas ng Pilipinas nga si Mike Sordilla nga puros gyud dalaygon ug makiangayon ang napili nila nga mga opisyal nga kandidata.
Moabot ngadto sa 45 ang mahimomg kandidata sa maong prestihiyosong indigay nga naglangkob sa 15 matag area, ang Luzon, Visayas ug Mindanao.
Ang management sa maong indigay kay mohatag og P100,000 sa matag kandidata kun pananglitan dili sila makatuman sa mga gilatid nila nga mga skedyul.
- Latest
