All-star ang weekend concert experience ang matutunghayan, tampok ang finale pasabog ng Dirty Linen stars, maagang sorpresa mula sa cast ng Senior High, at marami pang iba ngayong Linggo (Agosto 20) sa ASAP Natin ‘To sa Kapamilya Channel, A2Z, at TV5.
Bago ang inaabangan nitong pagtatapos, magsasama-sama muna sa ASAP stage ang cast ng Kapamilya teleserye na Dirty Linen para sa kanilang thanksgiving treat na sasabayan ng vocal performance ni Jed Madela.
May maagang sorpresa naman ang stars ng upcoming youth-oriented series na Senior High.
Itaas naman ang bandera sa paghataw nina Gela Atayde at ang Legit Status crew bilang pagsaludo sa kanilang tagumpay sa nagdaang World Hip Hop Dance Championship.
Samantala, fresh na fresh din ang performance na hatid ni Sarah Geronimo sa bagong edisyon ng Sarah G Specials.
Bilang pagdiriwang sa kanyang birth anniversary, magbibigay-pugay naman sina Gary Valenciano, Ogie Alcasid, Jona, at Angeline Quinto sa nag-iisang Da King na si Fernando Poe, Jr.