CEBU, Philippines — Mapasigarbohong gianunsyo sa banda nga Urbandub ang pagbanhaw o pagpresko sa ilang 2001 debut album nga Birth.
Alang sa bag-ong edisyon niini , gitawag na kini og "Rebirth" nga ubos sa Warner Music Philippines.
Gi-release kini sa niaging semana inubanan sa mga bag-ong mugna niini.
Gikagat gyud sa ilang fans ang sikat kaayo nga mga awit nga sama sa Come and Boy, Breakdown ug Would You Go.
Atol sa presscon nga gihimo sa niaging adlaw , gibutyag sa bokalista sa maong grupo nga si Gabby Alipe nga ila gyud nga namintinar ang kalidad sa ilang mga kanta nga usa sa mga rason nga wala gyud nahupas ang ilang popularidad.
Nagmalampuson usab ang paglusad sa "Rebirth" nga gipahigayon sa niaging adlaw didto sa Ayala Central Bloc Cinema.
Gihimo usab ang special screening sa ilang docu-series nga nagpakita sa ilang mga naagian alang sa pagbanhaw sa ilang album.
Ang pipila ka episodes niini kay makita sa ilang YouTube channel.
Kauban ni Gabby sa Urbandub sila si Lalay Lim (bassist), John Dinopol ug Russell Manaloto (guitarists) ug Sam Saludsong (drummer) .
Naporma ang Urbandub niadtong 2000 ug nisikat usab ang ilang grupo sa nagkalain-laing dapit sa kalibotan.
"Warner Music Philippines is excited to be partnering with Urbandub for the next phase of their journey. We recognise their impact and how influential the group is, garnering so much respect from both fans and fellow musicians.This is just the beginning. We can t wait to collaborate with the band and their fans to create, " saysay pa sa Warner Music Philippines Managing Director nga si Sarah Ismail.