Mr. And Mrs.  Atayde

Opisyal na nga Mrs. Artayde ang aktres nga si Maine Mendoza human sila nagpakasal sa iyang  hinigugma nga si Arjo  Atayde niadtong Biyernes didto sa Baguio City.

Pipila sa  mga niluhod sa ilang kasal mao sila si  ABS-CBN President and CEO Carlo Katigbak, Dreamscape Entertainment head Deo Endrinal, kanhi Senador  Tito Sotto, Vic Sotto, ,Joey de Leon, House Speaker Martin Romualdez ug  Senador  Migz Zubiri.

Nalakip sa groomsmen sila si Enchong Dee ug Joseph Marco , samtang ang bridesmaid kay sila si  MJ Lastimosa, Ciara Sotto, Kristine Hermosa, ug Sheena Halili.

Kahinumdoman nga na-engaged  sila niadtong Hulyo 28, 2022.

Nagkaila sila si Maine ug Arjo  niadtong  Hulyo  28, 2018 atol sa story conference sa Metro Manila Film Festival (MMFF) entry nga Jack Em Popoy: The Puliscredibles. -Sanden J. Anadia

Gipanguyaban og  lima

Gitataw ni  Andrea Torres nga single siya karong panahona ug wala siya magdali nga makabaton og uyab.

Matud pa sa aktres nga dili angayan pangitaon ang maong butang sanglit moabot ra gyud kini sa saktong panahon.

Giangkon sa aktres nga  lima ka mga lalaki ang nanguyab niya karon, apan iyang giklaro nga nag-enjoy pa siya sa iyang pagka-single. -Sanden J. Anadia

Mo-focus na sa showbiz

Mahatagan na og pagtagad  ni Atasha Muhlach ang iyang showbiz career dinhi sa  Pilipinas sanglit nakahuman naman siya sa pagtungha. Nigradwar si Atasha sa usa ka  business course didto sa  Nottingham, London.Nakapirma si Atasha og  exclusive contract sa Viva Artists Agency.

Nominado sa Emmy

Nakadawat og nominasyon sa 44th Annual News and Documentary Emmy Awards.

partikular na sa Outstanding Investigative Documentary category ang documentary nga “Delikado”. Istorya kini sa mga indbidwal nga nirisgo sa ilang kinabuhi aron lang gyud maprotektahan ang  rainforests sa Palawan.

Nag-concert  sa Hawai

Nagmalampuson  ang konsyerto sa engaged couple nga sila sila si Sam Milby ug  Miss Universe 2018 Catriona Gray didto sa Hawai. Nag-ulohan kini og “The Heartthrob and the Queen” ug nagsilbi usab nga special guests niini ang ubang  Cornerstone artists nga sila si Iñigo Pascual ug Zephanie.  -Sanden J. Anadia

Sharon ug Gabby subling magpares

Niulbo karon ang taho nga subling  makatrabaho ni Sharon Cuneta  si  Gabby Concepcion ug mahitabo kini karong Oktubre. Base sa ilang mga social media post,    posibleng mag-uban sila sa  usa ka konsyerto. Naghinam-hinam na ang  Sharon-Gabby fans sa maong proyekto.

  Unang nagpares sila si Sharon ug Gabby sa pelikulang  “Dear Heart” niadtong  1981.-Sanden J. Anadia

Cebuano singer naglawig sa  D'Academy 6

Nakasulod sa Top 12 ang Cebuano singer nga si Paul Rosa  sa "Dangdut Academy Asia Season 6" (D' Academy )nga usa ka prestihiyosong singing competition sa Indonesia.

Dako ang pasalamat ni Paul sa tanang nisuporta kaniya ug mao kini ang naghatag niya og igong kusog sa pagsalmot niya sa maong kompetisyon .

Himoon na usab sunod adlaw ang next round sa pagkanta sa contenders nga nagikan sa nagkalain-laing dapit sa Asya.

"Sobra akong pasalamat sa Ginoo.Ang kalisod sa maong kompetisyon naghatag kana og dakong challenge nga mas molambo pa ang akong talento . Daghan kaayo kog nakat onan ilabi na sa lahi nga  style sa pagkanta," saysay pa ni Paul sa interview niini sa Banat News.

Matud pa sa singer nga buhaton niya ang kutob sa iyang mahimo ug iya kining ihalad alang sa mga Pinoy

"Samtang nagka init ang pag bangga , akong buhaton ang kutob sa akong makaya hantud asa kutob ani nga kompetisyon para sa tanang Sugbunanon ug Pilipino," ni Paul pa.

Si Paul maoy nagpasikat sa awit nga "Ayaw Pagsaad".