Gary, 40 years na sa industriya!

Ngayong taon ay ipinagdiriwang ni Gary Valenciano ang kanyang ika-apatnapung anibersaryo sa show business.

Masayang-masaya ang singer dahil muling pumirma ng kontrata sa ABS-CBN. “When you say Kapamilya, it’s not just a tagline that we add on to ourselves. It is how we treat each other, how that translates and resonates, how we are to each other and how we are with everybody watching. For me the contract is just a symbol but even if there was no contract, I think I’d still be here continuing what I believe I’m called to do, and where I’m called to be at this tide and seasons of my life,” makahulugang pahayag ni Gary.

Umaasa si Mr. Pure Energy na mas marami pang Kapamilya sa iba’t ibang parte ng mundo ang makakarinig sa kanyang mga nililikhang kanta. “I’m so excited because I know the doors will be opening up for me even more in other parts of the world kung saan maraming nakikinig sa mga inspirational songs ko. That’s where really I wanna go, to bring my music to people everywhere. To some people watching around the world, it’s like, ‘He’s done this before.’ But not in this season, where we know what we’ve gone through. ABS-CBN has gone through. And look at where we are today, we’re literally everywhere,” paglalahad ng singer.

Elijah at Miles, may sikreto

Mahigit dalawang taon nang magkasintahan sina Miles Ocampo at Elijah Canlas. Ayon sa aktor ay talagang maayos at masaya ang takbo ng kanilang relasyon ni Miles. Nakikita na umano ni Elijah na sila ang magkakatuluyan ng aktres. “I always go into relationships thinking that hindi ako magko-commit into a monogamous relationship kung hindi po ‘yon ang mindset ko. We’ve been together for two years and we are still having fun. Nandoon pa rin po ang isip ko,” bungad ni Elijah.

Magkapareho ng mga hilig ang magkasintahan kaya magkasundung-magkasundo sa lahat ng bagay. Nakatulong umano sa relasyon nina Elijah at Miles na parehong industriya ang kanilang ginagalawan. “Dati may rule pa ako sa sarili ko na medyo stupid rule. Pero siyempre I am trying to be a professional. So I don’t want to date people that I work with pero iba si Miles. Nai-enjoy ko rin po ‘yung tandem namin because we have the same line of work and we have the same career. We understand each other, naiintindihan namin ang trabaho ng isa’t isa,” pagbabahagi ng aktor.

Para kay Elijah ay importante sa isang relasyon na palaging mayroong komunikasyon. Ito raw ang sikreto kung bakit maayos ang kanilang samahan ni Miles. “Communication po talaga siguro, lalo na ngayon na we are spoiled with instant communication with social media, calls and the internet. Pero iba ‘yung communication on a deeper level na isang tingin pa lang mas nagkakaintindihan na kayo. I think nakukuha naman ‘yon over time,” giit ng binata. (Reports from JCC)