CEBU, Philippines — Giintriga sa pipila ka netizens ang mga social media post nila ni Janella Salvador ug JC Alcantara ug nagduda kini nga nalain ang maong mga artista human wala kini nalakip sa Star Magic 30 Catalogue.
“Ah k. Noted," ang makaintriga nga tweet ni Janella. Samtang si JC kay nipadangat usab og mensahe nga, “Naol my favoritism, lagi nalang tayong option.”
Kahinumdoman nga gilusad dili pa lang dugay ang Star Magic 30 Catalogue ug pipila sa nanambong sa maong kalihokan sila si Kathryn Bernardo, Daniel Padilla, Francine Diaz, Seth Fedelin, John Arcilla, Jane Oineza, Dimples Romana, RK Bagatsing, Barbie Imperial, Ai dela Cruz, Xyriel Manabat, Nyoy Volante, Kaori Oinuma, BINI, BGYO, Robi Domingo, Chie Filopmeno, Vivoree, AC Bonifacio, Jolina Magdangal, ug uban pa.